| e-texts navigator |
| Wylie |
228a1 གསལ་ལོ།། གཉིས་སུ་མེད་པ་ལས་ཐམས་ཅད་བྱུང་བས་རྣམ་པར་ཤེས་པ་ལ་སོགས་པ་མཚན་མར་འཛིན་པའི་དོན་དུ། མིག་གི་རྣམ་པར་ཤེས་པ་མཚན་མར་འཛིན་པའི་དོན་དུ། སའི་སྙིང་པོར་གསལ
228a2 ལོ།། དེ་བཞིན་དུ་སྣ་ནམ་མཁའི་སྙིང་པོ་དང་། ལྕེ་སྤྱན་རས་གཟིགས་དང་། རྣ་བ་ཕྱག་ན་རྡོ་རྗེ་དང་། མིག་གི་དབང་པོ་ལ་སོགས་པ་བཞི། ཀུན་ཏུ་བཟང་པོ་དང་། བྱམས་པ་དང་། སྒྲིབ་པ་རྣམ་པར་སེལ་བ་དང་།
228a3 འཇམ་དཔལ་ལ་སོགས་པར་གསལ་ལོ།། དེ་ཉིད་ཀྱང་ཐབས་དང་ཤེས་རབ་དང་ལྡན་པའི་དོན་དུ། སེམས་མར་བྱུང་སྟེ། ཡུལ་གཟུགས་ལྷ་མོ་ལཱ་སྱེ་མར་གསལ་ལོ།། སྒྲ་མཱ་ལེ་དང་། དྲི་གིརྟི་དང་། རོ་ནི་རྟིར་གསལ
228a4 ལོ།། དེ་རྣམས་ཀྱང་དུས་བཞིར་གསལ་བར་བྱེད་པས། ལྷ་མོ་བཞི་སྟེ། འདས་པ་དྷཱ་པེར་གསལ་ལོ།། དེ་བཞིན་དུ་ད་ལྟར་མེ་ཏོག་གོ། སླད་ཀྱིས་འབྱུང་བ་མར་མེ། དུས་འབྱུང་བར་མ་ངེས་པ་དྲིར་གསལ་ལོ།། དེ
228a5 རྣམས་ཀྱང་གཉིས་སུ་མེད་པ་ཆོས་ཉིད་ཀྱི་རོས་ཚིམས་པའི་རྟགས་སུ་སེམས་དཔའ་སེམས་མ་རྣམས་དབྱེར་མེད་པར་བཞུགས་སོ།། དེ་ཡང་ཐམས་ཅད་དུ་གསལ་ཞིང་མཐར་ཕྱིན་པས། བུས་པ་ཁྱེའུ་དང་བུ་མོ་ལ
228a6 སོགས་གཞོན་ཤ་ཆགས་པའི་མཚན་ཉིད་དུ་གསལ་ལོ།། དེ་ཡང་རྒྱུ་དང་འབྲས་བུ་མཐར་ཕྱིན་པར་མཛད་པས། རྒྱུ་དང་འབྲས་བུའི་བྱང་ཆུབ་སེམས་དཔའ་སུམ་ཅུ་རྩ་གཉིས་ཏེ། ཤར་ཕྱོགས་ན་རྡོ་རྗེ་སེམས་དཔའ
iiif viewer powered by OpenSeadragon
