| e-texts navigator |
| Wylie |
227b1 ཏུ་མཐར་ཕྱིན་པས། ཕྱག་མཚན་དྲུག་ཏུ་གསལ་ལོ།། དེ་ཡང་དོན་ཆོས་ཉིད་མཉམ་པའི་ངང་ལ་བཞུགས་པས་སྐྱིལ་མོ་ཀྲུང་དུ་གསལ་ལོ།། དེ་ཕྱིན་ཅི་ལོག་ཐམས་ཅད་ལས་རྒྱལ་བས། དབུ་རྒྱན་སྙན་ཆ་ལ་སོགས་པ
227b2 འཁོར་ལོས་སྒྱུར་བའི་ཆ་བྱད་དུ་གསལ་ལོ།། མཁྱེན་པའི་ཡེ་ཤེས་གསལ་ལ་མ་འདྲེས་པས། བསྟ་ཙི་ཏྲའི་ཤམ་ཐབས་ལ་སོགས་པ་གསལ་ལོ།། དེ་ཡང་ཐབས་མཁས་པས་ཡབ་ཀྱི་བཞུགས་ཚུལ་དུ་བྱུང་བ་དང་།
227b3 ཕྱོགས་བཞི་དབུས་དང་ལྔར་བརྟགས་པས་རིགས་ལྔར་སྣང་བ་དང་། དེ་ཉིད་ཡེ་ཤེས་ལྔ་དང་ལྡན་པས་ཁ་དོག་ལྔར་གསལ་ལོ།། ཡང་ཆོས་ཉིད་ལོངས་སྤྱོད་རྒྱུན་མི་འཆད་པར་མཛད་པའི་རྟགས་གདན་དང་ཁྲི་རྐང་དུ
227b4 གསལ་ལོ།། ཐམས་ཅད་དུ་སྨོན་ལམ་མཐར་ཕྱིན་པས། སེམས་ཅན་ཆེན་པོ་ལ་སོགས་པར་གསལ་ལོ།། དེ་ཡང་ཆོས་ཀྱི་དབྱིངས་དང་འདུ་འབྲལ་མེད་པའི་རྟགས་སུ་ཡུམ་དུ་བྱུང་སྟེ། སྲ་བར་མཚན་མར་འཛིན་པའི
227b5 དོན་དུ་སངས་རྒྱས་སྤྱན་མ་དང་། གཤེར་བར་མཚན་མར་འཛིན་པའི་དོན་དུ་མཱ་མ་ཀཱི་དང་། དྲོ་བར་མཚན་མར་འཛིན་པའི་དོན་དུ་གོས་དཀར་མོ་དང་། བསྐྱོད་པར་མཚན་མར་འཛིན་པའི་དོན་དུ་དམ་ཚིག་སྒྲོལ་མ
227b6 དང་། སྟོང་པར་མཚན་མར་འཛིན་པའི་དོན་དུ་ཀུན་ཏུ་བཟང་མོ་དང་། ཐམས་ཅད་སྐྱེད་པར་བྱེད་པའི་རྟགས་སུ་བུད་མེད་ཡུམ་གྱི་གཟུགས་སུ་གསལ་ལོ།། གཉིས་སུ་མེད་པས་གཙོ་གཟུངས་འཁྲིལ་བའི་ཚུལ་དུ
iiif viewer powered by OpenSeadragon
