| e-texts navigator |
| Wylie |
227a1 བྱུང་བས། དེ་འདུལ་བའི་དོན་དུ་ཡིད་དང་ཆོས་སུ་སྣང་ངོ་།། སེམས་ཅན་གཅིག་གི་ཤེས་པའི་རྒྱུད་ལ་ཡང་ཉོན་མོངས་པ་བརྒྱད་ཁྲི་བཞི་སྟོང་ཚང་བར་གནས་ལ། སངས་རྒྱས་ཀྱིས་དེ་ལྟ་བུའི་རྡོས་པ་མ
227a2 ཡིན་གྱི་སྐྱེ་བ་མེད་པར་མཁྱེན་པས། དེ་གདུལ་བའི་དོན་དུ་ཆོས་ཀྱི་སྒོ་མོ་བརྒྱད་ཁྲི་བཞི་སྟོང་དུ་སྣང་ངོ་།། སེམས་ཅན་གཅིག་གི་གནས་སྐབས་ལ། ལམ་རྒྱུད་ལྔར་གནས་སོ།། སངས་རྒྱས་ཀྱི་གནས་སྐབས་ན། དེ
227a3 འདུལ་བའི་དོན་དུ་དཔའ་བོ་འབྲུ་ལྔར་སྣང་ངོ་།། སེམས་ཅན་གཅིག་གི་གནས་སྐབས་ན། ཉོན་མོངས་པ་ལྔས་དབང་བྱས་ཏེ། ཕྱིན་ཅི་ལོག་ཏུ་གནས་སོ།། སངས་རྒྱས་ཀྱི་གནས་སྐབས་ན། དེ་འདུལ་བའི་དོན་དུ་བྱང
227a4 ཆུབ་ཀྱི་སེམས་ཀུན་ཏུ་བཟང་པོའི་རང་བཞིན་ལས། ཞེ་སྡང་འདུལ་བའི་དོན་དུ་རྡོ་རྗེ་སེམས་དཔའི་སྐུ་ཕྱག་རྒྱར་གསལ་ལོ།། གཏི་མུག་འདུལ་བར་རྣམ་པར་སྣང་མཛད་ཀྱི་སྐུ་ཕྱག་རྒྱར་གསལ་ལོ།། ང་རྒྱལ་འདུལ
227a5 བར་རིན་ཆེན་འབྱུང་ལྡན་གྱི་སྐུ་ཕྱག་རྒྱར་གསལ་ལོ།། འདོད་ཆགས་འདུལ་བར་སྣང་བ་མཐའ་ཡས་ཀྱི་སྐུ་ཕྱག་རྒྱར་གསལ་ལོ།། ཕྲག་དོག་འདུལ་བར་དོན་ཡོད་གྲུབ་པའི་སྐུ་ཕྱག་རྒྱར་གསལ་ལོ།། ངན་སོང་གསུམ
227a6 ཟད་པར་མཛད་པས། དེ་རྣམས་དབུ་གསུམ་པར་གསལ་ལོ།། སྐུ་གསུང་ཐུགས་སུ་སྣང་བས་ཁ་དོག་གསུམ་དུ་གསལ་ལོ།། རྒྱུད་དྲུག་འདམ་ནས་འདོན་པས་དེ་རྣམས་ཕྱག་རྒྱ་དྲུག་ཏུ་གསལ་ལོ།། དེ་ཡང་ཡེ་ཤེས་དྲུག
iiif viewer powered by OpenSeadragon
