| e-texts navigator |
| Wylie |
226b1 སོ།། སེམས་ཅན་གཅིག་གི་ལུས་ལ་ཡང་འབྱུང་བ་ཆེན་པོ་ལྔས་བསྐྱེད་དོ།། སངས་རྒྱས་ཀྱིས་དེ་ལྟ་བུའི་རྡོས་པ་ཅན་མ་ཡིན་གྱི་ཆོས་ཉིད་དུ་མཁྱེན་པས། སངས་རྒྱས་ཀྱི་སྐུ་སྣང་ལ་དངོས་པོ་མེད་པར་བྱུང་བས། དེ
226b2 འདུལ་བའི་དོན་དུ་ཡུམ་ཆེན་མོ་ལྔར་སྣང་ངོ་།། སེམས་ཅན་གཅིག་གི་ལུས་ལ་ཕུང་པོ་ལྔ་ཚང་བར་གནས་སོ།། སངས་རྒྱས་ཀྱིས་དེ་ལྟ་བུའི་རྡོས་པ་ཅན་མ་ཡིན་པ་དོན་ཆོས་ཉིད་བྱང་ཆུབ་སེམས་སུ་མཁྱེན་པས། སངས
226b3 རྒྱས་ཀྱི་སྐུ་སྣང་ལ་རང་བཞིན་མེད་པ་བྱུང་བས། དེ་འདུལ་བའི་དོན་དུ་རྒྱལ་བ་རིགས་ལྔར་སྣང་ངོ་།། དེ་བཞིན་དུ་སེམས་ཅན་གྱི་རྣམ་པར་ཤེས་པའི་ཚོགས་བརྒྱད་ཀྱང་སེམས་དཔའ་བརྒྱད་དོ།། ཡུལ་དང་དུས་ཀྱང
226b4 སེམས་མ་བརྒྱད་དོ།། ཕྱིན་ཅི་ལོག་པས་ཁྲོ་བོ། ཡུལ་གྱིས་ཁྲོ་མོའོ།། མཚན་དང་སེམས་དཔའ་བཅུ་དྲུག་ལ་སོགས་པ་སྣང་ལ་རང་བཞིན་མེད་པར་དེ་འདུལ་བའི་དོན་དུ་སྣང་ངོ་།། སེམས་ཅན་གྱི་གནས་ན་འགྲོ་བ
226b5 རིགས་དྲུག་ཏུ་སྣང་ངོ་།། སངས་རྒྱས་ཀྱིས་དེ་ལྟ་བུའི་རྡོས་པ་ཅན་མ་ཡིན་གྱི། དོན་ཐུགས་ཡེ་ཤེས་སུ་མཁྱེན་པས། སངས་རྒྱས་ཀྱི་སྐུ་སྣང་ལ་རང་བཞིན་མེད་པ་བྱུང་བས་དེ་འདུལ་བའི་དོན་དུ་ཐུབ་པའི་སྐྱེས་བུ་དྲུག་ཏུ
226b6 སྣང་ངོ་།། སེམས་ཅན་གཅིག་ལ་ཡང་ཕྱི་ནང་སྣོད་བཅུད་གནས་སོ།། སངས་རྒྱས་ཀྱིས་དེ་ལྟ་བུའི་རྡོས་པ་ཅན་མ་ཡིན་གྱི། དོན་དབྱིངས་དང་ཡེ་ཤེས་སུ་མཁྱེན་པས། སངས་རྒྱས་ཀྱི་སྒྲ་སྣང་ལ་རང་བཞིན་མེད་པར
iiif viewer powered by OpenSeadragon
