| e-texts navigator |
| Wylie |
226a1 ཉིད་དོ།། སེམས་ཅན་ཐམས་ཅད་ནི་མཐའ་ལ་མི་གནས་ན་སེམས་ཉིད་དོ།། དབུས་ལ་མི་གནས་ན་སེམས་ཉིད་དོ།། མཐའ་དབུས་གཉིས་ཀ་ལ་མི་གནས་ན་སེམས་ཉིད་དོ།། ཡོད་པ་ལ་མི་གནས་ན
226a2 སེམས་ཉིད་དོ།། མེད་པ་ལ་མི་གནས་ན་སེམས་ཉིད་དོ།། ཡོད་མེད་གཉིས་ཀ་མེད་ན་སེམས་ཉིད་དོ།། སྐྱེ་བ་ལ་མི་གནས་ན་སེམས་ཉིད་དོ།། འཆི་བ་ལ་མི་གནས་ན་སེམས་ཉིད་དོ།། སྐྱེ་འཆི་གཉིས་ཀ་ལ་མི་གནས
226a3 ན་སེམས་ཉིད་དོ།། ཐོག་མ་ལ་མི་གནས་ན་སེམས་ཉིད་དོ།། ཐ་མ་ལ་མི་གནས་ན་སེམས་ཉིད་དོ།། ཐོག་མ་དང་ཐ་མ་གཉིས་ཀ་ལ་མི་གནས་ན་སེམས་ཉིད་དོ།། དེའི་ཤེས་པ་ཡེ་ཤེས་སོ།། དེ་ལྟ་བུའི་ཀློང་དུ་གནས་པ
226a4 ལ་འཁྲུལ་པ་དང་ཕྱིན་ཅི་ལོག་པའི་དབང་གིས། སེམས་ཅན་གྱི་གཟུགས་དང་དབྱིབས་རྣམ་གྲངས་ཐ་དད་པར་སྣང་ངོ་།། ཁ་དོག་དང་ཡུལ་གྲངས་ཐ་དད་པར་སྣང་ངོ་།། གནས་དང་སྤྱོད་པ་གྲངས་ཐ་དད་པར་སྣང
226a5 ངོ་ངོ།། དེ་ཡང་ཐམས་ཅད་དུ་རང་གི་སེམས་སོ།། དེ་འདུལ་བའི་དོན་དུ་སེམས་ཉིད་མ་སྐྱེས་པའི་ཀློང་ནས། ཀུན་ཏུ་བཟང་པོ་ཆོས་ཀྱི་སྐུར་བཞེངས་པའི་བྱིན་གྱིས་བརླབས་ལས། སངས་རྒྱས་ཀྱི་སྐུ་དང་དབྱིབས་གྲངས
226a6 རྣམ་པ་ཐ་དད་པར་སྣང་ངོ་།། འོད་ཟེར་དང་ཞིང་ཁམས་གྲངས་རྣམ་པ་ཐ་དད་པར་སྣང་ངོ་།། བཞུགས་གནས་དང་ཕྲིན་ལས་གྲངས་རྣམ་པ་ཐ་དད་པར་སྣང་ངོ་།། དེ་ཡང་སྣང་ཙམ་ན་ཐམས་ཅད་རང་གི་སེམས
iiif viewer powered by OpenSeadragon
