| e-texts navigator |
| Wylie |
225b1 བས་ཀྱང་ཡིན་པ་དང་མ་ཡིན་པར་བལྟ་བས་སེམས་ཅན་ནོ།། དེ་བས་ཀྱང་སྣང་བ་དང་མི་སྣང་བར་བལྟ་བས་སེམས་ཅན་ནོ།། དེ་བས་ཀྱང་དེ་རྣམས་ཀྱི་མཐུ་བརྟས་པས་སེམས་ཅན་ནོ།། སངས་རྒྱས་ཐམས་ཅད་ནི
225b2 ཕྱོགས་དང་རིས་སུ་མི་བལྟ་བས་སངས་རྒྱས་སོ།། དེ་བས་ཀྱང་སྣང་བ་གཟུང་འཛིན་གཉིས་སུ་མི་བལྟ་བས་ཀྱང་སངས་རྒྱས་སོ།། དེ་བས་ཀྱང་རྟག་ཆད་གཉིས་སུ་མི་བལྟ་བས་ཀྱང་སངས་རྒྱས་སོ།། དེ་བས་ཀྱང་ཡོད
225b3 མེད་གཉིས་སུ་མི་བལྟ་བས་སངས་རྒྱས་སོ།། དེ་བས་ཀྱང་གཙང་བ་དང་མི་གཙང་བ་གཉིས་སུ་མེད་པར་མཁྱེན་པས་སངས་རྒྱས་སོ།། དེ་བས་ཀྱང་བཟང་བ་དང་ངན་པ་གཉིས་སུ་མེད་པར་མཁྱེན་པས་སངས་རྒྱས
225b4 སོ།། དེ་བས་ཀྱང་གྲུབ་པ་དང་མ་གྲུབ་པ་གཉིས་སུ་མེད་པར་མཁྱེན་པས་སངས་རྒྱས་སོ།། དེ་བས་ཀྱང་བདེ་བ་དང་སྡུག་བསྔལ་གཉིས་སུ་མེད་པར་མཁྱེན་པས་སངས་རྒྱས་སོ།། དེ་བས་ཀྱང་ཡིན་པ་དང་མ་ཡིན་པ
225b5 གཉིས་སུ་མེད་པར་མཁྱེན་པས་སངས་རྒྱས་སོ།། དེ་བས་ཀྱང་སྣང་བ་དང་མི་སྣང་བ་གཉིས་སུ་མེད་པར་མཁྱེན་པས་སངས་རྒྱས་སོ།། དེ་བས་ཀྱང་དེ་རྣམས་ཀྱི་མཐུ་བརྟས་པས་སངས་རྒྱས་སོ།། ཆོས་ཐམས་ཅད་ནི
225b6 རང་བཞིན་མེད་ན་ཆོས་ཉིད་དོ།། མཚན་མ་མེད་ན་ཆོས་ཉིད་དོ།། སྟོང་པ་ཉིད་ན་ཆོས་ཉིད་དོ།། དངོས་པོ་མེད་ན་ཆོས་ཉིད་དོ།། སྐྱེ་བ་མེད་ན་ཆོས་ཉིད་དོ།། འགག་པ་མེད་ན་ཆོས་ཉིད་དོ།། འཕོས་པ་མེད་ན་ཆོས
iiif viewer powered by OpenSeadragon
