| e-texts navigator |
| Wylie |
224b1 མདུན་རྒྱབ་མེད་པའོ།། གསུང་ལ་སྐྱེ་འགག་མེད་པའོ།། ཐུགས་ལ་རྟག་ཆད་མེད་པའོ།། ཡོན་ཏན་བདེ་སྡུག་མེད་པའོ།། ཕྲིན་ལས་རྩོལ་བསྒྲུབ་མེད་པའོ།། དེ་ལྟ་བུ་ཞིག་གི་རང་བཞིན་ཡིན་ཀྱང་། ཆོས་ཉིད་སྐྱོན་དུ
224b2 མཐོང་བ་དང་། ཆོས་ཅན་མཚན་མར་འཛིན་པ་དང་། སེམས་ལ་དངོས་པོར་འཛིན་པ་རྣམས་ལ། རྣམ་པར་དབྱེ་བ་འདི་སྐད་ཅེས་བཀའ་སྩལ་ཏོ།། ཡུལ་དང་དབང་པོའོ།། སེམས་དང་ཕུང་པོའོ།། ཕྱི་དང་ནང་ངོ་།། རྒྱུ
224b3 དང་འབྲས་བུའོ།། སངས་རྒྱས་དང་སེམས་ཅན་ནོ།། དེ་ལ་སེམས་ཅན་ཐམས་ཅད་ནི། མ་རིག་པས་སེམས་ཅན་ནོ།། དེ་བས་ཀྱང་ཐམས་ཅད་ལ་ཆགས་པས་སེམས་ཅན་ནོ།། དེ་བས་ཀྱང་ཐམས་ཅད་ལ་འཛིན་པས
224b4 སེམས་ཅན་ནོ།། དེ་བས་ཀྱང་འཛིན་པའི་མཐུ་བརྟས་པས་སེམས་ཅན་ནོ།། དེ་ལ་སངས་རྒྱས་ཐམས་ཅད་ནི། བསམ་པ་རྣམ་པར་དག་པས་སངས་རྒྱས་སོ།། དེ་བས་ཀྱང་ཐམས་ཅད་ལ་མ་ཆགས་པས་སངས་རྒྱས
224b5 སོ།། དེ་བས་ཀྱང་ཐམས་ཅད་ལ་མི་འཛིན་པས་སངས་རྒྱས་སོ།། དེ་བས་ཀྱང་མི་འཛིན་པའི་མཐུ་བརྟས་པས་སངས་རྒྱས་སོ།། སེམས་ཅན་ཐམས་ཅད་ནི་ཡོད་པར་འཛིན་པས་སེམས་ཅན་ནོ།། དེ་བས་ཀྱང་ཡོད་ལ
224b6 རྟག་པར་འཛིན་པས་སེམས་ཅན་ནོ།། དེ་བས་ཀྱང་རྟག་ལ་ཟེར་ཟུག་པར་འཛིན་པས་སེམས་ཅན་ནོ།། དེ་བས་ཀྱང་ཐེར་ཟུག་པར་འཛིན་པའི་མཐུ་བརྟས་པས་སེམས་ཅན་ནོ།། སངས་རྒྱས་ཐམས་ཅད་ནི་གང་ལ་ཡོད
iiif viewer powered by OpenSeadragon
