| e-texts navigator |
| Wylie |
224a1 ངོ་།། ཞི་བ་ལྷ་རྒྱུད་ཆེན་པོ་ལས།། རྗེས་སུ་ཡི་རང་བ་སྟེ་ལེའུ་དགུ་པའོ།། ། ཞི་བ་ལྷ་རྒྱུད་ཆེན་པོ་རྫོགས་སོ།། རྒྱ་གར་གྱི་མཁན་པོ་པྲ་མ་ས་ཏྭ་ལས། ལོ་ཙཱ་བ་པདྨ་རུ་རྩེས་བསྐུར
224a2 བའོ།། །། @#།། རྒྱ་གར་སྐད་དུ། དྷརྨཱ་ཏཱ་ཤནྟ་དེ་བ་ཏནྟྲ། བོད་སྐད་དུ། ཆོས་ཉིད་ཞི་བའི་ལྷ་རྒྱུད། བཅོམ་ལྡན་འདས་ཀུན་བཟང་ཀུན་ཏུ་ཞི་བའི་ལྷ་ལ་ཕྱག་འཚལ་ལོ།། འདི་སྐད་བསྟན
224a3 པའི་དུས་གཅིག་ན། བཅོམ་ལྡན་འདས་ཀུན་ཏུ་བཟང་པོ་ཞེས་བྱ་བའི་ལྷ་ཞིག་ཐམས་ཅད་དུ་རང་གི་སེམས་ལ་གནས་སོ།། སེམས་ནི་ནམ་མཁའ་ལ་གནས་སོ།། ནམ་མཁའ་ཅི་ལ་ཡང་མི་གནས། ཅི་ལ་ཡང་མ་ཡིན།།
224a4 མེད་པ་ཡང་མ་ཡིན་པའོ།། དེ་བཞིན་དུ་སེམས་དང་ཀུན་ཏུ་བཟང་པོ་ཡང་དེ་བཞིན་ནོ།། དེ་དེ་བཞིན་ཉིད་དོ།། ཆོས་ཉིད་ནི་སངས་རྒྱས་སོ།། སངས་རྒྱས་ནི་མཐའ་ལ་མི་གནས་ཤིང་དབུས་སུ་མི་འཛིན་པའོ།། སངས
224a5 རྒྱས་ནི་ཕྱོགས་སུ་མི་འཛིན་ཅིང་། ང་རུ་མི་བྱེད་པའོ།། སངས་རྒྱས་ནི་དང་དུ་མི་ལེན་ཅིང་གཙོར་མི་འཛིན་ལ། སྐྱོན་དུ་མི་འདོར་ཞིང་སྤང་བར་མི་བྱེད་པའོ།། དེ་བཞིན་དུ་དབྱིངས་འཕོ་འགྱུར་མེད་པའོ།། སེམས་སྐྱེ་ཤི
224a6 མེད་པའོ།། རིག་པ་འདུ་འབྲལ་མེད་པའོ།། ཀུན་གཞི་བཟང་ངན་མེད་པའོ།། རྟོག་པ་སྐྱོ་དུབ་མེད་པའོ།། ཡེ་ཤེས་ལྡོག་འགྱུར་མེད་པའོ།། དུས་ལ་ཉིན་མཚན་མེད་པའོ།། བསྒོམ་པ་འབྱུང་འཇུག་མེད་པའོ།། སྐུ་ལ
iiif viewer powered by OpenSeadragon
