| e-texts navigator |
| Wylie |
222a1 འགྲུབ།། ཡིད་ཀྱིས་ལྷ་ཡི་གཟུགས་བཟུང་བ།། སེངྒེ་མངལ་རྒྱར་ཆུད་པ་ལྟར།། ཁྱུང་གི་སྒོང་རྒྱ་ལྟ་བུ་སྟེ།། རྣལ་འབྱོར་པ་ནི་ལུས་ཀྱི་རྒྱ།། སྒྲོན་མ་བཟློག་ན་སྦ་བ་ནུབ།། ལྟེ་བ་མཁྲང་ལ་སེང་པའི
222a2 ཁོག། གདུང་ཁེབས་གཙུག་ཏོར་དྲུག་པ་ནི།། ཉི་ཟླའི་ཚེ་དང་མཉམ་པ་ཡིན།། རང་དོན་སྟོང་དང་དྲུག་བརྒྱ་ཉིད།། གཞན་དོན་ལོ་བརྒྱར་གཟུགས་སུ་གནས།། བསྒོམས་པས་མངོན་དུ་གྱུར་པའི་ལྷ།། གང་བསྒོམ་ལྷ
222a3 ཡི་ཆ་བྱད་ཉིད།། དགོངས་པ་ཉིད་ལ་སངས་རྒྱས་ཤིང་།། མཉམ་པར་མ་བཞག་དེ་མིན་པ།། རིག་འཛིན་ཀུན་གྱི་རྒྱལ་པོ་སྟེ།། ལྷུན་གྲུབ་རིག་པ་འཛིན་པའོ།། ཆོས་སྐུ་དྲི་མ་མེད་པ་དང་།། ལོངས་སྐུ་འཁོར་ལོས་སྒྱུར
222a4 རྒྱལ་འདྲ།། སྤྲུལ་པ་མཛད་པ་མཐར་ཕྱིན་ཅིང་།། སྐྱེ་འཇིག་བྲལ་བ་རྡོ་རྗེ་ཉིད།། ཡུལ་མེད་རང་གསལ་མངོན་བྱང་སྐུ།། སྐུ་ལྔ་ལྷུན་གྱིས་གྲུབ་པའོ།། ཆོས་ནི་སྐྱེ་མེད་དོན་གྱི་གསུང་།། ལོངས་སྤྱོད་དགོངས་པ་བརྡ་ཡིས
222a5 སྟོན།། སྤྲུལ་པ་ཚངས་པའི་གསུང་དབྱངས་སྙན།། མངོན་བྱང་རིག་པ་བྱིན་གྱིས་བརླབས།། འཇིགས་མེད་དབྱེར་མེད་རྡོ་རྗེའི་གསུང་།། གསུང་ལྔ་ཉིད་དུ་ལྷུན་གྱིས་གྲུབ།། སོ་སོར་སྣང་བ་གདུལ་བྱའི་བློ།། ཐ་དད་བྱ
222a6 བ་གང་ལ་ཡོད།། བདེ་བ་ཆེན་པོའི་ཐུགས་དང་ནི།། རྣམ་པར་མི་རྟོག་ཐུགས་ཉིད་དང་།། འགྲོ་བ་ཐམས་ཅད་སྒྲོལ་བ་དང་།། མཉམ་པ་ཆེན་པོའི་མཆོག་གནས་དང་།། དབྱེར་མེད་རྡོ་རྗེའི་ཐུགས་ལྔར་གནས།། ཐ་དད
iiif viewer powered by OpenSeadragon
