| e-texts navigator |
| Wylie |
221a1 མཛོད།། རྩ་གནས་དཀྱིལ་འཁོར་གྲུབ་པའི་གཞལ་ཡས་ནས།། ཁམས་ཀྱི་བདུད་རྩི་སངས་རྒྱས་སྐུ་བཞུགས་ཤིང་།། གྲུབ་པ་སྔགས་ཀྱི་ནུས་མཐུ་ངག་ལ་འཆར།། སྙིང་པོ་རླུང་གི་ཐུགས་ཀྱིས་ཡོངས་ལ
221a2 ཁྱབ།། གནས་པ་རྩ་ཡིས་སྐུ་དབྱིབས་གསལ་བྱེད་ཅིང་།། ཁམས་ཀྱི་བདུད་རྩིས་རྣམ་པ་བདེ་བ་དང་།། སྔགས་ཀྱི་ཡིག་འབྲུས་རང་བཞིན་སྟོང་གསལ་བྱེད།། སྙིང་པོ་རླུང་གིས་ངོ་བོ་ཟུང་དུ་འཇུག། ལུས་ཀྱི་སྒྲིབ་སྦྱངས
221a3 བུམ་པའི་དབང་རྣམས་རྫོགས།། ངག་གི་སྒྲིབ་དག་གསང་བའི་དབང་ཆེན་འབེབས།། ཡིད་ཀྱི་སྒྲིབ་དག་ཤེས་རབ་ཡེ་ཤེས་སྤྱོད།། ལུས་ངག་ཡིད་སྒྲིབ་དག་བྱེད་བདེ་ཆེན་དབང་།། བདག་ཏུ་བལྟ་བའི་གཟུང་འཛིན
221a4 རྣམ་སྤོང་བ།། སངས་རྒྱས་བདེ་གཤེགས་ཁྱེད་ཀྱིས་བྱིན་གྱིས་རློབས།། ཞེས་གསུངས་སོ།། ཞི་བ་ལྷ་རྒྱུད་ཆེན་པོ་ལས།། ཕྲིན་ལས་བཅོལ་བ་སྟེ་ལེའུ་བདུན་པའོ།། །། དེ་ནས་བཅོམ་ལྡན་འདས་དོན་ཡོད་གྲུབ་པས
221a5 མཐར་ཕྱིན་པའི་ཏིང་ངེ་འཛིན་ལ་སྙོམས་པར་ཞུགས་ནས་འདི་གསུངས་སོ།། བསྙེན་བསྒྲུབ་རྣམ་བཞིའི་གསང་སྔགས་ཀྱིས།། ཐུན་མོང་རིག་འཛིན་ས་ཐོབ་ནས།། སྐུ་ལྔ་ལྷུན་གྲུབ་ཉིད་དུ་གནས།། ཐུགས་རྗེས་མཛད
221a6 བྱེད་མ་ལུས་འདུལ།། ཨོཾ་ཛི་ན་ཛིག་ཧཱུཾ་བཛྲ་དྷྲྀག་སཱ་རཏྣ་དྷྲྀག་ཨཱཾ་ཨ་རོ་ལིག་ཧ་པྲཛྙཱ་དྷྲྀག་ལཱཾ་དྭེ་ཥ་ར་ཏི། མྲྀ་དྷཱ་ཏི་ཤྭ་རི། མཾ་མོ་ཧ་ར་ཏི། བཱི་རཱ་ག་ར་ཏི། ཏཱཾ་བཛྲ་ར་ཏི། བསྙེན་པའི་གསང་སྔགས་ཞེས་བྱ་བ། རྒྱལ་བ
iiif viewer powered by OpenSeadragon
