| e-texts navigator |
| Wylie |
220a1 ལྷུན་གྱིས་གྲུབ།། ཅེས་གསུངས་སོ།། ཞི་བ་ལྷ་རྒྱུད་ཆེན་པོ་ལས། ལམ་དབང་དུ་བྱ་བ་ཆགས་ལམ་ལྷ་རྒྱུད་ཀྱི་ལེའུ་སྟེ་དྲུག་པའོ།། །། དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད
220a2 ཀྱིས། དགོངས་པའི་ཕྲིན་ལས་འདི་དག་ཡོངས་སུ་རྫོགས་པར་གསུངས་སོ།། ཧཱུཾ་ཆོས་ཉིད་སྤྲོས་དང་བྲལ་བའི་རང་བཞིན་ལས།། ཅིར་འདུལ་ཐབས་ཀྱིས་བསྟན་པའི་ལས་མཛད་པ།། བདེ་གཤེགས་དཀྱིལ
220a3 འཁོར་ཐིག་ལེ་ཆེན་པོ་ནས།། འཁོར་འདས་བྱང་ཆུབ་སེམས་ཀྱི་རྒྱུན་ཡང་འབེབས།། ལོངས་སྤྱོད་དཀྱིལ་འཁོར་ཆེན་པོའི་ཞལ་ཧོམ་དུ།། འདོད་ཡོན་ལྔ་ཡི་མཆོད་པས་དགྱེས་མཛད་ཅིང་།། ཆོས་དབྱིངས་དཀྱིལ
220a4 འཁོར་ཆེན་པོའི་ཀློང་ཡངས་ནས།། འཁོར་དང་མྱ་ངན་འདས་པ་ཀུན་མཁྱེན་ཞིང་།། སྤྲུལ་པའི་དཀྱིལ་འཁོར་ཆེན་པོ་བདེ་བ་འབེབས།། འགྲོ་དྲུག་སྐྱེད་མཛད་མྱ་ངན་འདས་པར་འདྲེན།། དཀྱིལ་འཁོར་བཞི་ཡི་བདག
220a5 པས་ཕྲིན་ལས་མཛད།། དང་པོ་སངས་རྒྱས་རྣམ་པར་སྣང་མཛད་ནི།། ཡི་གེ་ཨཱ~ཾ་ལས་བསྐྱེད་ནས་སྐུ་རུ་སྣང་།། སངས་རྒྱས་སྣང་མཐའ་ཚེ་དཔག་མེད་པ་ནི།། ཡི་གེ་ཨཱཿལས་བསྐྱེད་ནས་གསུང་དུ་སྣང་།། བདེ་གཤེགས
220a6 རྡོ་རྗེ་སེམས་དཔའ་མི་བསྐྱོད་པ།། འགྱུར་མེད་ཧཱུཾ་ལས་སྤྲུལ་ནས་ཐུགས་སུ་སྣང་།། ཡོན་ཏན་རིན་འབྱུང་སངས་རྒྱས་དཀོན་མཆོག་དཔལ།། སྭཱ་ལས་སྤྲུལ་ནས་ཡོན་ཏན་ཡིད་བཞིན་སྣང་།། ལས་མཛད་གྲུབ་པ་གདོན
iiif viewer powered by OpenSeadragon
