| e-texts navigator |
| Wylie |
21b1 སྟོབས་ཀྱི་དབང་གྱུར་པ།། ལོག་པ་ཅན་གྱི་རཱ་ཏྲ་རྣམས།། ལོག་ལྷའི་མཐུས་བསྙེམས་མ་གཏོགས་པ།། སངས་རྒྱས་བསྟན་ལ་དད་པར་འགྱུར།། བྱང་ཆུབ་སྤྱོད་སྒོ་ཇི་སྙེད་པ།། དེ་སྙེད་འབྲས་བུས་བདེ་ལ་བཀོད།། དེ
21b2 ནས་འཁོར་དེར་འདུས་པའི་བྱང་ཆུབ་སེམས་དཔའ་རྣམས་ངོ་མཚར་དུ་གྱུར་ཏེ། རྡོ་རྗེ་ཡིད་ཀུན་ཏུ་བཟང་པོ་ལ་འདི་སྐད་ཅེས་གསོལ་ཏོ།། ཨེ་མའོ་རྡོ་རྗེ་ཀུན་ཏུ་བཟང་།། ངོ་མཚར་ཁྱོད་ལ་བདག་ཅག་འདུད།། ཨེ་མའོ།
21b3 གསང་སྔགས་ཡ་མཚན་ཆེ།། ཨེ་མའོ་སྟོན་པ་ཆོ་འཕྲུལ་ཆེ།། ཨེ་མའོ་ངོ་མཚར་རྫུ་འཕྲུལ་ཆེ།། ཨེ་མའོ་སྔགས་ཀྱིས་མི་འདུལ་མེད།། འདི་ནི་ངོ་མཚར་ཡ་མཚན་ནོ་ཞེས་གསོལ་པས། རྡོ་རྗེ་ཡིད་ཀུན་ཏུ་བཟང་པོས
21b4 བཀའ་སྩལ་པ།། རིགས་ཀྱི་བུ་ཁྱོད་ཚུར་ཉོན་ཅིག། གསང་བའི་ཐེག་པ་འདི་ལ་ནི།། སུ་ཞིག་མོས་པའི་སྐྱེས་བུ་དེས།། མི་བྱ་བ་ནི་གང་ཡང་མེད།། མི་འགྲུབ་པ་ནི་གང་ཡང་མེད།། རྟག་ཏུ་གསོད་ལ་བརྩོན་པ
21b5 དང་།། མ་བྱིན་ལེན་དང་མི་ཚངས་སྤྱོད།། རྫུན་དང་ངག་རྩུབ་སྨྲ་བ་དང་།། ཟས་སུ་བཤང་གཅི་རྣག་ཁྲག་དྲོན་མོ་འཐུང་བ་དང་།། ངན་ཟོས་ངན་སྤྱོད་ཐམས་ཅད་ཀྱིས།། གསང་བ་འདི་ཉིད་འགྲུབ་པར་འགྱུར།། ཕ་དང
21b6 ཁུ་བོ་མྱེས་པོ་དང་།། བུ་དང་སྤུན་དང་མཛའ་བོ་རྣམས།། ཞེ་སྡང་སེམས་ཀྱིས་བསད་བྱས་ན།། རྡོ་རྗེའི་རིགས་ཀྱི་ཞིང་དུ་འགྱུར།། མ་དང་སྲིང་མོ་བུ་མོ་དང་།། གདོལ་པ་མོ་དང་ཕྱལ་པ་ལའང་།། འདོད་པའི་སེམས
iiif viewer powered by OpenSeadragon
