| e-texts navigator |
| Wylie |
219a1 ཅན་མ་མཱ་མ་ཀི།། རི་མོ་ཅན་ནི་གོས་དཀར་མོ།། སྣ་ཚོགས་ཅན་མ་དམ་ཚིག་སྒྲོལ།། སྦྱོར་བ་ཉིད་ནི་རིགས་ལྔ་ཉིད།། རིག་པ་སྲ་བ་ས་ཡིན་ཏེ། དེ་ཉིད་རྟག་པ་རྣམ་པར་སྣང་།། གཤེར་བ་ཆུ་སྟེ་དཀོན
219a2 མཆོག་དཔལ།། དྲོ་བ་མེ་ནི་ཚེ་དཔག་མེད།། གཡོ་བ་རླུང་གི་དོན་ཡོད་གྲུབ།། ཐིག་ལེ་ནམ་མཁའ་མི་བསྐྱོད་ཡིན།། བདེ་བ་བཅུ་དྲུག་སེམས་དཔར་ཤར།། ཕྱི་ཡི་གནས་ལ་ལྟོས་པ་ནི།། ལུས་ཀྱི་ཁོལ་བུར་བྱམས་པ
219a3 སྐྱེས།། ལུས་ལ་ཕལ་ཆེར་སྒྲིབ་སེལ་ཉིད།། ཀུན་ཏུ་བཟང་པོས་ལུས་ཀུན་ཁྱབ།། འཇམ་དཔལ་སྣང་དངོས་བདེ་བར་འཆར།། ནང་གི་གནས་ལ་ལྟོས་པ་ཡུམ།། བདེ་བ་སྤྱི་མགྲིན་སྤོས་མ་ཉིད།། མཆོག་བདེ་མགྲིན
219a4 སྙིང་མེ་ཏོག་འཐོར།། སྙིང་ག་ལྟེ་བ་མར་མེ་གསལ།། ལྟེ་བ་གསང་གནས་ལྷན་སྐྱེས་དྲི།། སྤང་བྱ་ལྟོས་པ་རྣམ་པ་བཞི།། ས་སྙིང་གཟུགས་འཛིན་རགས་རིམ་འགོག། ནམ་སྙིང་བདག་རྟོག་རགས
219a5 རིམ་འགོག། གཟུགས་ཀྱི་རྟོག་འགོག་སྤྱན་རས་གཟིགས།། བདེ་གསུམ་རྟོག་འགོག་ཕྱག་རྡོར་ཉིད།། རང་གི་ངོ་བོར་ལྟོས་པ་བཞི།། བདེ་བ་རྡོ་རྗེ་སྒེག་མོ་མ།། མཆོག་བདེ་རིན་ཆེན་ཕྲེང་བ་མ།། བདེ་བྲལ་པདྨ་གླུ
219a6 ལེན་མ།། ལྷན་སྐྱེས་ལས་ཀྱི་གར་མཁན་ཉིད།། སྐད་ཅིག་བཞི་རུ་ཤར་བ་ནི།། རྣམ་པ་སྣ་ཚོགས་སྐད་ཅིག་མ།། ཁྲོ་བོ་གཤིན་རྗེའི་གཤེད་པོ་ཡིན།། རྣམ་པར་ཉེད་པའི་སྐད་ཅིག་མ།། ཁྲོ་བོ་སྟོབས་ཆེན་གཞན
iiif viewer powered by OpenSeadragon
