| e-texts navigator |
| Wylie |
218b1 བདག་ནི་བསྒྲལ་ཞེས་བྱ།། གང་ཞིག་ཐུགས་རྗེས་གཞན་བསྒྲལ་ན།། ཞིང་དུ་གྱུར་པའི་བསྒྲལ་བྱ་རྣམས།། མཉེས་པ་ལྔ་དང་སྟོང་པ་ལྔ།། དགོངས་པ་ལྔ་དང་གྱུར་པ་ལྔ།། དེ་སོགས་ཡུམ་གྱི་མཁའ་ལ་འཕངས།། སྐུ
218b2 གསུམ་རྒྱལ་བའི་ཞིང་དུ་ངེས།། ཚོགས་ཆེན་གཉིས་ཀྱང་རྫོགས་པར་འགྱུར།། ཐབས་ཀྱི་ལམ་ལ་སྦྱོར་འདོད་ན།། རང་དོན་གསལ་བ་རྣམ་པ་གསུམ།། གསང་དབང་ཤེས་རབ་ཡེ་ཤེས་དང་།། བདེ་བ་ཆེན་པོའི་དབང
218b3 གསུམ་ཉིད།། གཏུམ་མོ་འཁོར་ལོ་སྲོག་ཤིང་གསུམ།། འདི་ལས་འབྱུང་བའི་ལམ་ཡིན་ནོ།། ལུས་ཀྱི་འཁྲུལ་འཁོར་ལེགས་གནས་ན།། རླུང་གིས་མེ་ནི་རབ་ཏུ་འབར།། ཀྵ་ནི་ཀུན་ཏུ་བཟང་པོ་ཉིད།། བདུད་རྩི་འབབ
218b4 པ་ཀུན་བཟང་མོ།། བདེ་བའི་ཡེ་ཤེས་རོལ་མོ་ཡིས།། རང་གི་ལུས་ཀྱི་ལྷ་རྣམས་མཉེས།། ཡེ་ཤེས་སྒྱུ་མའི་དངོས་གྲུབ་ནི།། རྣལ་འབྱོར་པ་ཡིས་ཐོབ་པར་འགྱུར།། ལུས་ལ་དཀྱིལ་འཁོར་རྣམ་པ་བཞི།། བསྒོམས་པས
218b5 བདེ་བ་རྣམ་པ་བཞི།། གསང་བ་སྔགས་ཀྱི་ཡིག་འབྲུ་བཞི།། སྙིང་པོ་རླུང་གི་གནས་པ་བཞི།། དཀྱིལ་འཁོར་སྲོག་ཤིང་རྣམ་པ་གསུམ།། ལུས་དང་ངག་དང་ཡིད་དུ་གནས།། སྲིད་པ་གསུམ་དང་གྲོང་ཁྱེར
218b6 གསུམ།། འཁོར་བ་གཟུང་འཛིན་འདས་པ་གསུམ།། གཞན་དོན་སྦྱོར་བའི་མཆོད་པ་འབུལ།། བདེ་གཤེགས་ཡུམ་ལྔ་གཟུངས་མ་ནི།། གླང་པོ་ཅན་མ་སངས་རྒྱས་སྤྱན།། དུང་ཅན་མ་ནི་དབྱིངས་ཕྱུག་མ།། རི་དྭགས
iiif viewer powered by OpenSeadragon
