| e-texts navigator |
| Wylie |
218a1 འདི་དག་གསུངས་སོ།། དེ་བཞིན་གཤེགས་པ་རིགས་ལྔ་ལ།། ལམ་ནི་རྣམ་པ་གཉིས་ཡོད་དེ།། གྲོལ་ལམ་ལྟ་བ་བསྟན་པ་དང་།། ཐབས་ལམ་དབང་གིས་བགྲོད་པར་བཤད།། ལྟ་བ་བདེན་པར་དབྱེར
218a2 མེད་ཉིད།། སྐོར་བདུན་ངོ་བོ་ཉིད་དུ་གནས།། བདེར་གཤེགས་དཀྱིལ་འཁོར་སྤྱན་དྲངས་ནས།། མཆོད་པས་རབ་ཏུ་དགྱེས་པར་བྱ།། རང་གི་གནས་རྣམས་སྦྱང་བར་བྱ།། ཡི་གེ་ཨ་དཀར་ལས་སྐྱེས་པ།། རི་རབ་རྩེ་ལ
218a3 ལྷ་ཡི་གནས།། ལྷ་མ་ཡིན་གྱི་སུ་སེར་པོ།། རི་རབ་ཁོང་སེང་ནང་ན་གནས།། གླིང་བཞི་མི་ནི་ནརྀ་སྔོན་པོ།། བཞི་དང་གླིང་ཕྲན་བཅུ་གཉིས་གནས།། བྱོལ་སོང་དུ་ཡིག་དུད་ཀ་ནི།། ཕྱི་ཡི་རྒྱ་མཚོའི་ནང་ནའོ།། བྲེ་མར
218a4 ལས་སྐྱེས་ཡི་དྭགས་རྣམས།། གྲོང་ཁྱེར་སེར་སྐྱའི་གནས་ན་ཡོད།། དམྱལ་བ་ཏྲི་ཡིག་ནག་པོ་དེ།། རྡོ་རྗེ་གདན་གྱི་འོག་ན་གནས།། འདི་དྲུག་འདོད་ཁམས་གནས་རྣམས་སྦྱངས། འདི་སྐོར་ཡིག་སྐྱོན་ཞིག་ཡོད་དམ།། གཟུགས
218a5 ཁམས་བསམ་གཏན་མུ་བཞི་སོགས།། ཡི་གེ་ཨཱིཾ་དུ་ཤེས་པར་བྱ།། གཟུགས་མེད་སྐྱེ་མཆེད་མུ་བཞི་ཨཱ།། ཉམས་ནི་སེམས་ལ་འཆར་བ་ཡིན།། གར་ནི་ལུས་ལ་འཆར་བ་ཡིན།། སྔགས་ནི་ངག་ལ་འཆར་བ
218a6 དང་།། མཐོང་སྣང་ཡུལ་ལ་འཆར་བ་ལ།། བག་ཆགས་རྨི་ལམ་ཤར་བ་ནི།། ཁམས་གསུམ་གནས་ལས་ངེས་པར་གྲོལ།། འབྲུ་གསུམ་སྦྱངས་ན་ངེས་པར་ནི།། སྐུ་གསུམ་གནས་ལ་བཞུགས་པར་འགྱུར།། རྟོགས་པས
iiif viewer powered by OpenSeadragon
