| e-texts navigator |
| Wylie |
217b1 བརླབ།། ཡུམ་ལྔས་འབྱུང་བ་བྱིན་གྱིས་བརླབ།། བྱང་སེམས་རང་རྒྱུད་བཀྲ་ཤིས་བྱེད།། ཐུབ་པས་ཉོན་མོངས་འདུལ་ཞིང་སྦྱོང་།། ཀུན་བཟང་ཟབས་ཤེས་འབྲེལ་བར་བརླབ།། ཁྲོ་བོས་མཚམས་གཅོད་གདུག་པར
217b2 འདུལ།། གདན་ཁྲིས་འདུལ་བར་དགོངས་པ་དང་།། ཆོས་ཀྱི་འཁོར་ལོ་བསྐོར་བའི་གདན།། འོག་གཞི་འཁོར་ལོ་རྩིབས་བཞི་འབར།། དགོས་འདོད་རེ་བ་སྐོང་བས་ན།། ཡིད་བཞིན་རིན་ཆེན་ཁྲི་རྐང་བརྩེགས།། ཡོན
217b3 ཏན་ཆེ་བས་བཅོམ་པས་ན།། སྟོབས་བཅུ་ཚང་བ་གླང་པོའི་གདན།། མི་འཇིགས་བཞི་བཅོམ་སེང་གེ་ཉིད།། རྫུ་འཕྲུལ་རྐང་བཞི་རྟ་ཡི་གདན།། དབང་བཅུ་མཚོན་པས་རྨ་བྱ་ལ།། ཕྲིན་ལས་ཐོགས་མེད་ནམ་མཁའ
217b4 ལྡིང་།། ས་ཡི་ཁྱད་པར་བགྲོད་པས་ན།། ཉི་མ་ཟླ་བ་པདྨའི་གདན།། འབྲས་བུའི་ས་གསུམ་གནོན་པའོ།། གནས་ཀྱིས་འདུལ་བར་དགོངས་པ་ལ།། ཁྱད་པར་འཕགས་པའི་འོག་མིན་གནས།། གཞན་མིན་རང་སྣང
217b5 སྤྲུལ་པའི་ཁྱིམ།། གསང་བ་ཡུམ་གྱི་བྷ་ག་ཉིད།། དེ་ཉིད་ཀུན་གཞི་ཕོ་བྲང་ལ།། གདོས་པ་ཅན་ལས་རབ་གྲོལ་བས།། ཕྱི་ནང་མེད་པར་གསལ་བ་ནི།། ཤེལ་གྱི་ཕོར་པར་བཅུད་བཞག་འདྲ།། ཁྱད་པར་ཞིང་ཁམས
217b6 ལྔར་ཡང་སྣང་།། ཞེས་གསུངས་སོ།། ཞི་བ་ལྷ་རྒྱུད་ཆེན་པོ་ལས།། ཇི་ལྟར་གདུལ་བར་བྱ་བ་སྤྲུལ་པར་བྱུང་བའི་ལེའུ་སྟེ་ལྔ་པའོ།། །། དེ་ནས་བཅོམ་ལྡན་འདས་རྣམ་པར་སྣང་མཛད་ཀྱིས་དེ་ཉིད་ལམ་དུ་བྱ་བ
iiif viewer powered by OpenSeadragon
