| e-texts navigator |
| Wylie |
214a1 གསུམ་སེམས་ཅན་ལ།། ཡེ་ནས་རང་ལ་ལྷུན་གྱིས་གྲུབ།། རང་གནས་ཆེན་པོ་རྟོགས་གྱུར་ནས།། རང་བཞིན་དཀྱིལ་འཁོར་བསྐྱེད་པར་བྱ།། དེ་ནས་བཅོམ་ལྡན་འདས་དཀོན་མཆོག་དཔལ་གྱིས། ཆོམ
214a2 བུའི་དཀྱིལ་འཁོར་རང་ལ་གནས་པ་འདི་གསུངས་སོ།། སྤྱི་གཙུག་བདེ་ཆེན་དཀྱིལ་འཁོར་ན།། རྣམ་པར་སྣང་མཛད་ཡབ་ཡུམ་ལ།། སྒོ་བ་ཡབ་ཡུམ་བརྒྱད་ཀྱིས་བསྐོར།། འདི་ནི་སྐུ་ཡི་དཀྱིལ་འཁོར་ཏེ།། རྩ་དང་ཐིག
214a3 ལེ་སྔགས་དང་རླུང་།། དབུ་ཡི་གཙུག་ཏོར་རྩེ་མོ་ནི།། རིགས་བདག་ཀུན་བཟང་ཡབ་ཡུམ་ལ།། ཐུབ་དྲུག་སྤྲུལ་པའི་འཁོར་གྱིས་བསྐོར།། འདི་ནི་སྤྱི་ཡི་དཀྱིལ་འཁོར་ཡིན།། མགྲིན་པ་ལོངས་སྤྱོད་དཀྱིལ་འཁོར
214a4 ལ།། སྣང་བ་མཐའ་ཡས་ཡབ་ཡུམ་ལ།། སྤྱན་རས་གཟིགས་དང་གླུ་མ་དང་།། ཀུན་བཟང་མར་མེ་མ་ཡིས་བསྐོར།། འདི་ནི་གསུང་གི་དཀྱིལ་འཁོར་ཉིད།། གནས་རྟེན་གྲུབ་པས་གཡོ་བར་གྲུབ།། སྙིང་ག་ཆོས་ཀྱི
214a5 འཁོར་ལོ་ལ།། མི་བསྐྱོད་ཡབ་དང་ཡུམ་དུ་བཅས།། ས་ཡི་སྙིང་པོ་སྒེག་མོ་དང་།། བྱམས་པ་བདུག་སྤོས་མ་ཡིས་བསྐོར།། འཁོར་ལོ་ཐིག་ལེ་སྔགས་དང་རླུང་།། འདི་ནི་ཐུགས་ཀྱི་དཀྱིལ་འཁོར་ཉིད།། ལྟེ་བ་སྤྲུལ་པའི
214a6 དཀྱིལ་འཁོར་ནས།། དཀོན་མཆོག་དཔལ་ནི་ཡབ་ཡུམ་ལ།། ནམ་མཁའི་སྙིང་པོ་ཕྲེང་བ་མ།། སྒྲིབ་སེལ་མེ་ཏོག་མ་དང་བཅས།། འདི་ནི་ཡོན་ཏན་འཁོར་བཅས་ཏེ།། འཁོར་ལོ་ཁམས་བཅུད་སྔགས་དང
iiif viewer powered by OpenSeadragon
