| e-texts navigator |
| Wylie |
213b1 ལྟར་དབྱར་ནི་མེ་ཏོག་མ།། ཀུན་བཟང་མེ་ནི་མངོན་པར་རྒྱུ།། འབྱུང་དུས་སྟོན་ཏེ་མར་མེ་མ།། འཇམ་དཔལ་རླུང་ཉིད་གནས་པ་ཡང་།། མ་ངེས་དགུན་དེ་དྲི་ཆབ་མ།། དབང་པོར་སྣང་བའི་ལྷ་འདི་ཀུན།། རང་ལ་ཡེ
213b2 ནས་དུས་སྤྱོད་ཡུལ།། ཡིད་ནི་སྙིང་རྗེ་ཐབས་མཆོག་ཡབ།། ཆོས་ནི་སྟོང་པ་ཤེས་རབ་ཡུམ།། ཞེ་སྡང་དམྱལ་བར་སྣང་བ་ཡང་།། ཐུབ་པས་ཞེ་སྡང་མེ་ཡང་གསོད།། སེར་སྣས་ཡི་དྭགས་སྣང་བ་ཡང་།། ང་རྒྱལ་རི
213b3 སྙིལ་ཐུབ་པ་ཡིན།། གཏི་མུག་བྱོལ་སོང་སྐྱེས་པ་ལ།། ཐུབ་པས་གཏི་མུག་མུན་པ་སེལ།། འདོད་ཆགས་མི་ཡི་སྐྱེ་གནས་ཉིད།། འདོད་ཆགས་དུག་འཇོམས་ཤཱཀྱ་ཐུབ།། ཁོང་ཁྲོས་ལྷ་མ་ཡིན་དུ་སྐྱེ།། བདག་ཞན་བྲལ
213b4 བས་ལྷ་མིན་ཐུབ།། ཕྲག་དོག་ལྷ་ཡི་གནས་སྣང་བས།། ཕྲག་དོག་ལྕགས་འགྲོ་ལ་ལྷ་ཡི་ཐུབ།། ལུས་ཀྱི་འདུས་ཏེ་རེག་པ་ནི།། རྡོ་རྗེ་རེག་པ་གཤིན་རྗེའི་གཤེད།། རེག་པ་སྲ་བ་ས་ཡིན་ཏེ།། རྟོག་པར་མ་ཡིན་ལྕགས་ཀྱུ
213b5 མ།། ལུས་ཀྱི་དབང་པོ་རེག་བྱེད་ཉིད།། ཡབ་ཀྱི་རྡོ་རྗེ་སྟོབས་པོ་ཆེ།། གཤེར་བར་འབྱུང་བ་ཆུ་ཉིད་སྟེ།། ཆད་པར་མ་ཡིན་ཞགས་པ་མ།། ལུས་ཀྱི་ཡུལ་ནི་རེག་བྱ་ཉིད།། ཡུམ་གྱི་པདྨ་རྟ་མགྲིན་དཔལ།། ཚ་ཞིང་དྲོ་བ་མེ
213b6 ཡིན་ཏེ།། བདག་ཏུ་མ་ཡིན་ལྕགས་སྒྲོག་མ།། ལུས་ཀྱི་རྣམ་པར་ཤེས་པ་ནི།། དམ་རྫས་དཀར་དམར་བདུད་རྩི་འཁྱིལ།། གཡོ་རླུང་སྟོང་བདེའི་ནམ་མཁའ་ནི།། མཚན་མར་མ་ཡིན་དྲིལ་བུ་མ།། སྲིད་གསུམ་ཁམས
iiif viewer powered by OpenSeadragon
