| e-texts navigator |
| Wylie |
213a1 མི་འཇིགས་སེངྒེའི་གདན།། མཁལ་མ་སྟོབས་བཅུ་གླང་པོ་ཆེ།། མཚེར་པ་རྫུ་འཕྲུལ་རྟ་ཡི་ཁྲི།། མཆིན་པ་དབང་བཅུ་རྨ་བྱ་ཉིད།། གློ་བ་ཐོགས་མེད་ནམ་མཁའ་ལྡིང་།། ཕོ་བ་རིན་ཆེན་ཁྲི་རྐང
213a2 ལ།། མཆིན་དྲི་དཀར་ནག་ཉི་ཟླའི་གདན།། རྒྱུ་ལོང་ཆགས་མེད་པདྨ་ཡིན།། ཁྱབ་བྱེད་གཟུགས་ཕུང་རྣམ་སྣང་མཛད།། སྲོག་འཛིན་རྣམ་ཤེས་མི་བསྐྱོད་པ།། མེ་མཉམ་ཚོར་བ་རིན་ཆེན་འབྱུང་།། གྱེན་རྒྱུ་འདུ་ཤེས་སྣང
213a3 མཐའ་ཡས།། ཐུར་སེལ་འདུ་བྱེད་དོན་ཡོད་གྲུབ།། སྲ་བ་ས་ནི་སངས་རྒྱས་སྤྱན།། ནམ་མཁའ་དབྱིངས་ཕྱུག་མ་ཉིད་ལ།། མཉེན་པའི་ཆུ་དབྱིངས་མཱ་མ་ཀི། དྲོ་བའི་མེ་དབྱིངས་གོས་དཀར་མོ།། བསྐྱོད་པའི་རླུང་ནི
213a4 དམ་ཚིག་སྒྲོལ།། བཅུད་ནི་ཡབ་ལ་སྣོད་ནི་ཡུམ།། སྤྱད་བྱར་གྱུར་པའི་བཙུན་མོ་ཡིན།། རྒྱུ་བ་ས་སྙིང་མེ་རླུང་མིག། གཟུགས་ནི་སྒེག་མོར་གནས་པའོ།། ཤིན་ཏུ་རྒྱུ་བ་ནམ་མཁའ་ཉིད།། ནམ་སྙིང་སྣ་ལ་གནས་པ
213a5 དང་།། དྲི་ནི་ལྷ་མོ་ཕྲེང་བ་མོ།། མངོན་པར་རྒྱུ་བ་སྤྱན་རས་གཟིགས།། རྡོ་རྗེ་མྱོང་བར་བྱེད་པ་སྟེ།། རོ་ནི་ལྷ་མོ་གླུ་ལེན་མ།། རབ་ཏུ་རྒྱུ་བ་ཕྱག་རྡོར་ཉིད།། རྣ་བ་ལག་ནས་ཟོས་པ་ལ།། སྒྲ་ནི་ལས་ཀྱི་གར་བྱེད
213a6 མ།། རྣམ་ཤེས་དབང་པོའི་བྱང་ཆུབ་སེམས།། ཡུལ་ལ་སྣང་བ་མཆེད་པ་དང་།། ཐོབ་པར་བྱེད་པ་སྣང་བ་གསུམ།། བྱམས་པ་མེ་ཡི་རླུང་དུ་བཤད།། དཔྱིད་ནི་འདས་དུས་སྤོས་མེ་མ།། སྒྲིབ་སེལ་སྣ་ཡི་རླུང་ཡིན་ཏེ།། དེ
iiif viewer powered by OpenSeadragon
