| e-texts navigator |
| Wylie |
212b1 དཔལ་ལྡན་ནུབ་ཕྱོགས་བདེ།། བྱང་ཕྱོགས་རྣམ་དག་བཀོད་པ་ལ།། དབུས་ཀྱི་བྱང་ཆུབ་སྙིང་པོར་གནས།། འདི་ལ་སོགས་པའི་སངས་རྒྱས་ཞིང་།། གུད་ན་མེད་པར་རབ་རྟོགས་ལ།། མི་དགེ་བཅུ་པོ་ཁྲོ་བཅུའི
212b2 མཚམས།། ཉོན་མོངས་ལྔ་པོ་མཚོན་ཆ་ལྔ།། སྤྱི་བོ་སྣ་ཚོགས་རྡོ་རྗེ་ལ།། རྐང་མཐིལ་རྡོ་རྗེའི་ས་གཞི་ལ།། རྩིབ་མ་རྡོ་རྗེའི་ར་བ་དང་།། པགས་པ་རྡོ་རྗེའི་གུར་དུ་ཕུབ།། བ་སྤུ་མདའ་ཡི་དྲ་བ་ཡིན།། སེན་མོ་མེ་དཔུང
212b3 རབ་ཏུ་འབར།། ལུས་ཁམས་བདུད་རྩི་རྣམ་པ་ལྔ།། འབྱུང་བ་ལྔའམ་བཞིར་གནས་པ།། ཁམས་དགུ་འདུས་པའི་དངས་མ་ནི།། རང་བྱུང་བདུད་རྩིའི་མཆོད་པ་ཉིད།། དབང་པོ་རྣམ་དྲུག་འདོད་ཡོན་དྲུག། པདྨ་རཀྟ
212b4 མཆོད་རྫས་ཉིད།། ཀུན་གཞི་ཆོས་ཀྱི་ཕོ་བྲང་དུ།། ཡིད་ནི་ཀུན་བཟང་རང་བྱུང་སྐུ།། ལུས་དང་ངག་ཡིད་རྣམ་པ་གསུམ།། ཡེ་ནས་གཤེགས་པར་གནས་པའོ།། རང་གི་ལུས་ཉིད་འདོམ་གང་ལ།། ཐམས་ཅད་ཚང་བར
212b5 གནས་པ་ནི།། ཀུན་གཞི་དེ་རྟིང་ཉོན་ཡིད་མེད།། ཡིད་ནི་རྒྱུ་ཉིད་ཨར་གནས་སོ།། རྐང་མཐིལ་རླུང་ལ་སུམ་མདོ་མེ།། ལྟེ་བ་ཆུ་ལ་སྙིང་ག་ས།། སྒལ་ཚིགས་རི་རབ་སྒྲ་ནི་མེ།། མི་མཉམ་མེད་པའི་གྲུ་བཞི་ལུས།། སྙིང
212b6 གའི་རྩ་བཞི་སྒོ་བཞི་ལ།། རྐང་བརྒྱད་ཀ་བ་རྣམ་པ་བརྒྱད།། མིག་གཉིས་པཉྩ་རེ་ཁཱ་ལ།། སྣ་ནི་རིན་ཆེན་ཕ་གུ་ཉིད།། སོ་ནི་དྲ་བ་དྲ་ཕྱེད་ལ།། ལྕེ་ཆུ་འདོད་ཡོན་ལྷ་མོ་འབྱུང་།། རྣ་བ་རྟ་བབས་ཉིད་དུ་གནས།། སྙིང་ནི
iiif viewer powered by OpenSeadragon
