| e-texts navigator |
| Wylie |
212a1 ལ།། ལྷུན་གྲུབ་མཆོག་ཏུ་དགོངས་པས་གོ། གང་ཡིན་དེ་ལས་དཔག་ཏུ་མེད།། སངས་རྒྱས་ཀུན་གྱིས་རབ་ཏུ་བསྔགས།། ཡེ་ནས་ལྷུན་གྱིས་གྲུབ་པའོ།། འཁོར་བ་ཀ་དག་རིན་ཆེན་གླིང་།། མྱ་ངན་འདས
212a2 པར་དེར་བརྗོད་དོ།། ཉི་མའི་དཀྱིལ་ན་མུན་མེད་ལྟར།། ཡེ་ཤེས་རང་སྣང་མ་རྟོགས་པ།། ཉོན་མོངས་འཁོར་བ་ངང་གིས་མེད།། གནས་ལུགས་ཉིད་དུ་ཀ་དག་པའོ།། དངོས་པོ་གཤིས་ཀྱི་གནས་ལུགས་ཉིད།། བཅིང
212a3 མེད་རྣམ་པར་གྲོལ་མེད་པའི།། ཡེ་ནས་ལྷུན་གྲུབ་སངས་རྒྱས་ཆོས།། བསྟན་ཕྱིན་སྤྲོ་བ་སྣ་ཚོགས་མཛད།། ཅེས་གསུངས་སོ།། ཞི་བ་ལྷ་རྒྱུད་ཆེན་པོ་ལས།། གཞི་གནས་ལུགས་རང་བཞིན་གྱིས་ཞི་བ་བསྟན་པ་སྟེ་ལེའུ
212a4 གསུམ་པའོ།། །། དེ་ནས་བཅོམ་ལྡན་འདས་དཀོན་མཆོག་དཔལ་རིན་ཆེན་འབྱུང་ལྡན་ཉིད། འཁྲུལ་པ་ཐམས་ཅད་གྲོལ་བར་བྱེད་པའི་ཏིང་ངེ་འཛིན་ལ་སྙོམས་པར་བཞུགས་ནས། འདི་གསུངས
212a5 སོ།། བདེ་གཤེགས་སྙིང་པོའི་རང་བཞིན་འདི།། ཁམས་གསུམ་ཡོངས་ལ་ཡེ་ནས་གནས།། ལྷན་ཅིག་སྐྱེས་པའི་མ་རིག་པ།། ལུས་དང་གྲིབ་མ་ལྟ་བུར་བྱུང་།། བསྐལ་པ་སྔོན་ལས་བསགས་པ་ཡི།། འཁོར་བ་སྔོན་གྱི
212a6 རྣམ་སྨིན་བྱུང་།། ལས་སུ་ཉོན་མོངས་ལྔ་པོ་ཡིས།། འབྱུང་ལྔ་འདུས་པའི་ཕུང་པོར་སྨིན།། སྣོད་ཀྱི་འཇིག་རྟེན་སྣང་བ་ཡང་།། སངས་རྒྱས་ཞིང་ཁམས་ཡིན་པར་ཤེས།། ཤར་ཕྱོགས་མངོན་པར་དགའ་བའི་ཞིང་།། ལྷོ་ན
iiif viewer powered by OpenSeadragon
