| e-texts navigator |
| Wylie |
211b1 དུས་ལ་བབ།། གཞི་ལམ་འབྲས་བུ་མི་ཤེས་པ།། ཁྱེད་ཀྱི་བསྟན་པའི་དུས་ལ་བབ།། ཅེས་བརྗོད་ནས། སྟོན་པའི་ཞལ་དུ་གཟིགས་སོ།། ཞི་བ་ལྷ་རྒྱུད་ཆེན་པོ་ལས། གླེང་སློང་བའི་ལེའུ་སྟེ་གཉིས་པའོ།། །། དེ
211b2 ནས་བཅོམ་ལྡན་འདས་དཔལ་རྡོ་རྗེ་འཆང་ཆེན་པོ་ནི་ཆོས་ཐམས་ཅད་ཀྱི་དེ་ཁོ་ན་ཉིད་མ་བཅོས་པའི་གཉུག་མ་དངོས་པོ་རྣམས་ཀྱི་གནས་ལུགས་ཀྱི་ཏིང་ངེ་འཛིན་ལ་སྙོམས་པར་ཞུགས་ནས། བྱང་ཆུབ་སེམས་དཔའ
211b3 རྣམས་འགྲོ་དོན་རྫོགས་པར་བྱ་བའི་ཕྱིར་འདི་གསུངས་སོ།། ཨེ་མ་ཧོ་རབ་ཏུ་གསང་བའི་ཆོས།། གནས་ལུགས་ངོ་བོ་ཉིད་ཀྱི་གཞི།། འཁོར་དང་འདས་པ་ཀུན་གྱི་རྒྱུ།། བཅིངས་གྲོལ་མེད་པར་ངང་གིས་གནས།། ཨེ
211b4 མ་ཧོ་རབ་ཏུ་རྟོགས་པའི་ཆོས།། རྒྱུད་ཆེན་རྣལ་འབྱོར་ཆེན་པོ་ནི།། སྣོད་བཅུད་ཐམས་ཅད་ཤེས་རབ་ཏུ།། ཕྱག་རྒྱ་ཀ་དག་ཆེན་པོར་རྟོགས།། ཨེ་མ་ཧོ་རབ་ཏུ་རྟོགས་པའི་ཆོས།། ལུང་ཆེན་རྗེས་སུ་རྣལ་འབྱོར་ནི།། ཀུན
211b5 བཟང་ཡབ་ཡུམ་དབྱིངས་ཡེ་ཤེས།། བདེ་ཆེན་སྲས་སུ་སངས་རྒྱས་སོ།། ཨེ་མ་ཧོ་རབ་ཏུ་མཁྱེན་པའི་ཆོས།། མན་ངག་རྫོགས་པ་ཆེན་པོ་ནི།། སྣང་ཞིང་སྲིད་པས་བསྡུས་པའི་ཆོས།། སེལ་མེད་སངས་རྒྱས་ཉིད་དུ
211b6 གནས།། དག་པ་ཆེན་པོ་ཆོས་ཀྱི་སྐུ།། བྱ་རྩོལ་མི་མངའ་ངང་གིས་རྫོགས།། ཨེ་མ་ཧོ་ངོ་མཚར་རྨད་ཀྱི་ཆོས།། ཆོས་ཅན་མཚན་མའི་དངོས་པོ་རྣམས།། ཆོས་ཉིད་ངང་དུ་ལྷུན་གྱིས་གྲུབ།། དུས་གསུམ་རྒྱལ་པ་མ་ལུས
iiif viewer powered by OpenSeadragon
