| e-texts navigator |
| Wylie |
211a1 མ་ཐག་ཏུ་འཁོར་ཐམས་ཅད་ལ་བདེ་བས་ཁྱབ་པ་ནི། ལ་ལ་ནི་གོ་རིམ་གྱི་བདེ་བ་བཞིར་ཤར་རོ།། ལ་ལ་ནི་ཕྱི་ནང་གི་གནས་ལ་ལྟོས་པའི་བདེ་བ་བཞིར་ཤར་རོ།། ལ་ལ་ནི་སྤང་བྱ་ལ་ལྟོས་པའི་བདེ་བ
211a2 བཞིར་ཤར་རོ།། ལ་ལ་ནི་རང་གི་ངོ་བོ་ལ་ལྟོས་པའི་བདེ་བ་བཞིར་ཤར་རོ།། དེ་ནས་འཁོར་གྱི་སངས་རྒྱས་དང་བྱང་ཆུབ་སེམས་དཔའ་རྣམས་ངོམས་ནས་འདི་སྐད་ཅེས་བརྗོད་དོ།། མར་མེ་མང་པོ་ཁྱིམ་དུ་སྦར་གྱུར
211a3 ཀྱང་།། མིག་མེད་པ་ལ་མུན་པར་སྣང་བ་བཞིན།། ལྷན་ཅིག་སྐྱེས་པས་ཀུན་ལ་ཁྱབ་མོད་ཀྱང་།། ཉེ་ཡང་རྨོངས་པ་ཉིད་ལ་ཤིན་ཏུ་རིང་།། སྐལ་ངན་སེམས་ཅན་ཐབས་ཀྱིས་གྲོལ་བའི་ཕྱིར།། དངོས་པོ་གཤིས་ཀྱི
211a4 གནས་ལུགས་ལས་བྱུང་བའི།། ཀ་དག་ལྷུན་གྲུབ་རྩོལ་བྲལ་ཆེན་པོའི་ཆོས།། གནས་ལུགས་རང་བཞིན་ཞི་བ་ཇི་ལྟར་གནས།། ཁམས་གསུམ་སེམས་ཅན་རང་སེམས་མ་རེག་པ།། ཁམས་གསུམ་ཉོན་མོངས་སྣང་བའི
211a5 བཞིན་ཅན།། རྒྱུ་དྲུག་སེམས་ཅན་སྐྱེ་བ་རྣམ་བཞིར་ལ།། རང་རྒྱུད་ཕུང་པོའི་ཞི་བ་གང་དུ་གནས།། རྣལ་འབྱོར་པ་ནི་ཉམས་ཀྱི་སྣང་བ་ལ།། གདུལ་བྱ་སྤྲུལ་པའི་ཞི་བ་རྣམ་པ་རུ།། སྐ་གསུང་མི་ཟད་རྐུན་གྱི་འཁོར
211a6 ལོའི་ཐུགས།། བདེ་བར་གཤེགས་པའི་སྣང་བ་རྣམ་དག་པ།། སྐུ་གསུམ་སྐུ་བཞི་སྐུ་ལྔར་སྣང་བ་ཡི།། མཐར་ཕྱིན་འབྲས་བུའི་ཞི་བ་ཇི་ལྟར་བཞུགས།། སྐལ་ངན་སེམས་ཅན་གདུལ་དཀའ་བ།། ཁྱོད་ཀྱིས་འདུལ་བའི
iiif viewer powered by OpenSeadragon
