| e-texts navigator |
| Wylie |
210b1 ཏོག་མ་དང་། ཀུན་ཏུ་བཟང་པོ་དང་། པདྨ་མར་མེ་མ་དང་། འཇམ་དཔལ་དང་། ལས་ཀྱི་དྲི་ཆབ་མ་དང་། ཕྱིའི་བྱང་ཆུབ་སེམས་དཔའ་སེམས་མ་རྣམས་ཀྱང་བཞུགས་སོ།། གཞན་ཡང་རིགས་དྲུག་འདུལ་བར་མཛད
210b2 པ་ནི། ལྷའི་ཐུབ་པ་སྲིད་ཐུབ་འཛིན་དང་། ལྷ་མ་ཡིན་གྱི་ཐུབ་པ་རྣམ་པར་རྒྱལ་བ་དང་། མིའི་ཐུབ་པ་ཤཱཀྱ་སེངྒེས་མཐོ་རིས་གནས་གསུམ་པོ་འདུལ་བའི་ཞིང་དུ་ཡང་གཟིགས་སོ།། བྱོལ་སོང་གི་ཐུབ་པ་སེངྒེ་རབ
210b3 བརྟན་དང་། ཡི་དྭགས་ཀྱི་ཐུབ་པ་ཁ་འབར་རྒྱལ་མོ་དང་། དམྱལ་བའི་ཐུབ་པ་ཆོས་ཀྱི་རྒྱལ་པོས་ངན་སོང་གནས་གསུམ་འདུལ་བའི་ཞིང་དུ་གཟིགས་སོ།། གཞན་ཡང་གདུག་པ་ཅན་འདུལ་བ་ནི་གཤིན་རྗེ་གཤེད
210b4 དང་། གསང་བའི་ཡུམ་རྒྱས་འདེབས་མ་དང་། སྟོབས་པོ་ཆེ་རྣམ་པར་རྒྱལ་བ་དང་། གསང་བའི་ཡུམ་ཚེ་འཕེལ་མ་དང་། རྟའི་མགྲིན་པ་ཅན་དང་། གསང་བའི་ཡུམ་ཟ་བྱེད་མ་དང་། བདུད་རྩི་འཁྱིལ་བ་དང་། གསང
210b5 བའི་ཡུམ་རྨོངས་བྱེད་མ་དང་། རིག་པའི་ཁྲོ་བོ་ཁྲོ་མོས་སྒོ་བསྲུང་བར་མཛད་དོ།། གཞན་ཡང་རིག་འཛིན་བྱང་ཆུབ་སེམས་དཔའ་མང་པོ་དང་བཅས་པ་ནི་དཔེར་ན་ཏིལ་གྱི་གང་བུ་ལྟར་བཞུགས་སོ།། ཞི་བ་ལྷ་རྒྱུད
210b6 ལས་གླེང་གཞིའི་ལེའུ་སྟེ་དང་པོའོ།། །། དེ་ནས་བཅོམ་ལྡན་འདས་དཔལ་རྡོ་རྗེ་འཆང་ཆེན་པོས་འཁོར་གྱི་འཇིག་རྟེན་ཐམས་ཅད་ལ་གཟིགས་ནས། རང་གི་བཙུན་མོ་ལ་སྙོམས་པར་ཞུགས་པར་མཛད་དོ།། ཞུགས
iiif viewer powered by OpenSeadragon
