| e-texts navigator |
| Wylie |
210a1 རྒྱ་གར་སྐད་དུ། ཤནྟི་དེ་ཝ་ཏནྟྲ་མ་ཧཱ་ནཱ་མ། བོད་སྐད་དུ། ཞི་བ་ལྟ་རྒྱུད་ཆེན་པོ་ཞེས་བྱ་བ། བཅོམ་ལྡན་འདས་དཔལ་ཀུན་ཏུ་བཟང་པོ་ལ་ཕྱག་འཚལ་ལོ།། འདི་སྐད་བདག་གིས་བསྟན་པའི་དུས་གཅིག
210a2 ན། དེ་བཞིན་གཤེགས་པ་ཐམས་ཅད་ཀྱི་ཡབ་ཀུན་ཏུ་བཟང་པོ་དེ་ནི། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་རྡོ་རྗེའི་སྙིང་པོ། དེ་བཞིན་གཤེགས་པ་ཀུན་གྱི་བཙུན་མོའི་བྷ
210a3 ག་ལ་བཞུགས་སོ།། བཅོམ་ལྡན་འདས་དེ་བཞིན་གཤེས་པ་རྣམ་པར་སྣང་མཛད་དང་། ཡུམ་སངས་རྒྱས་སྤྱན་མ་དང་། རྡོ་རྗེ་སེམས་དཔའ་དང་། ཡུམ་དབྱིངས་ཕྱུག་མ་དང་། རིན་ཆེན་འབྱུང་ལྡན་དང་། ཡུམ་མཱ་མ་ཀི
210a4 དང་། སྣང་བ་མཐའ་ཡས་དང་། ཡུམ་གོས་དཀར་མོ་དང་། དོན་ཡོད་གྲུབ་པ་དང་། ཡུམ་དམ་ཚིག་སྒྲོལ་མ་དང་། ཉིད་ལས་མི་གཞན་པའི་འཁོར་རིགས་ལྔའི་སངས་རྒྱས་ཡབ་ཡུམ་རྣམས་ཀྱང་ཆོས་ཀྱི་དབྱིངས་ན
210a5 ཞུགས་སོ།། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི། སའི་སྙིང་པོ་དང་། རྡོ་རྗེ་སྒེག་མོ་དང་། ནམ་མཁའི་སྙིང་པོ་དང་། རིན་ཆེན་ཕྲེང་བ་དང་། སྤྱན་རས་གཟིགས་དང་། པདྨ་དབྱངས་མཁན་མ
210a6 དང་། ཕྱག་ན་རྡོ་རྗེ་དང་། ལས་ཀྱི་གར་མཁན་མ་དང་། ནང་གི་བྱང་ཆུབ་སེམས་དཔའ་ཡབ་ཡུམ་རྣམས་ཀྱང་བཞུགས་སོ།། བྱམས་པ་དང་། རྡོ་རྗེ་བདུག་སྤོས་མ་དང་། སྒྲིབ་པ་རྣམ་པར་སེལ་བ་དང་། རིན་ཆེན་མེ
iiif viewer powered by OpenSeadragon
