| e-texts navigator |
| Wylie |
20b1 ལྔའི་བདེ་བར་གཤེགས།། འཁོར་རྣམས་རྒྱ་མཚོར་བཅས་རྣམས་ཀྱིས།། འདུལ་བའི་ཐབས་ནི་སྣ་ཚོགས་ཀྱིས།། འགྲོ་རྣམས་སྣ་ཚོགས་འདུལ་བར་གྱུར།། ལ་ལར་སྐུ་ཡི་དོན་མཛད་པ།། འགྲོ་རྣམས་ཀུན་ལ་སྡིག་སོང
20b2 གཟུགས།། སྤྲུལ་པས་སོ་སོར་འདུལ་བ་ནི།། དམྱལ་བ་རྣམས་ལ་གཤེད་པོས་འདུལ།། པྲེ་ཏ་རྣམས་ལ་ཁ་འབར་གཟུགས།། དུད་འགྲོ་རྣམས་ལ་སེངྒེའི་གཟུགས།། མི་རྣམས་ཀུན་གྱི་འཇིག་རྟེན་དུ།། འཁོར་ལོས་སྒྱུར
20b3 རྒྱལ་ལྟ་བུའི་ཚུལ།། ལྷ་མིན་རྣམས་ལ་ཐགས་བཟང་གཟུགས།། ལྷ་རྣམས་ལ་ནི་བརྒྱ་བྱིན་གཟུགས།། ཚངས་རིས་རྣམས་ལ་ཚངས་ཆེན་གཟུགས།། ཆགས་བྲལ་རྣམས་ལ་དགྲ་བཅོམ་གཟུགས།། རང་རྒྱལ་རྣམས་ལ
20b4 བསེ་རུའི་ཚུལ།། ས་བཅུའི་བྱང་ཆུབ་སེམས་དཔའ་ལ།། སྐུ་ནི་རྣམ་པར་སྣང་མཛད་ཚུལ།། འགྲོ་རྣམས་ཇི་ལྟར་འདུལ་བ་ལ།། མཐུན་བྱས་གཟུགས་ནི་སྣ་ཚོགས་འདུལ།། འགྲོ་རྣམས་ཇི་ལྟར་འདུལ་བ་བཞིན།། ཆོས
20b5 ཀྱི་འཁོར་ལོ་སྣ་ཚོགས་ནི།། ལ་ལར་སྡེ་སྣོད་གསུམ་དག་ཏུ།། བསྡུས་ནས་ཆོས་ཀྱི་འཁོར་ལོ་བསྐོར།། ལ་ལར་གསུང་རབ་བཅུ་གཉིས་སོ།། ལ་ལར་སྟོང་ཕྲག་བརྒྱ་བཅུ་བཞི།། གཏི་མུག་རྨོངས་པའི་འགྲོ་རྣམས
20b6 ལ།། སངས་རྒྱས་འཁོར་ལོས་འཁོར་ལོ་བསྐོར།། ཞེ་སྡང་ཆེ་ལ་རྡོ་རྗེ་འཛིན།། རྡོ་རྗེའི་འཁོར་ལོ་རབ་ཏུ་བསྐོར།། ང་རྒྱལ་ཅན་ལ་རིན་པོ་ཆེའི།། འཁོར་ལོ་བླ་ན་མེད་པ་བསྐོར།། འདོད་པས་འཆེལ་པའི་འགྲོ་གང
iiif viewer powered by OpenSeadragon
