| e-texts navigator |
| Wylie |
20a1 ཡིས་ནི།། གང་ལ་བྱིན་གྱིས་བརླབས་པ་དེས།། སངས་རྒྱས་ཀུན་གྱི་ཐུགས་སུ་འགྱུར།། དེ་ལ་སྩོགས་ཏེ་བསམ་ཡས་མཆོག། ཆོས་དབྱིངས་མཉམ་དང་མི་མཉམ་པ།། ནམ་མཁའ་དབྱིངས་ཀྱི་མཐའ
20a2 ཀླས་པ།། བརྗོད་མེད་བརྗོད་དུ་མེད་པ་ཡི།། ཡོན་ཏན་མཐའ་ཀླས་བསམ་མི་ཁྱབ།། ཅེས་གསུངས་སོ།། རྒྱུད་ཀྱི་རྒྱལ་པོ་དེ་བཞིན་གཤེགས་པ་ཐམས་ཅད་ཀྱི་གསང་བ་དུར་ཁྲོད་ཁུ་བྱུག་རོལ་པའི་མདོ་ལས།། སྔགས
20a3 དང་ཕྱག་རྒྱ་རྣམ་པར་སྤྲོས་པའི་ལེའུ་སྟེ་ལྔ་པའོ།། །། དེ་ནས་རྡོ་རྗེ་ཡིད་ཀུན་ཏུ་བཟང་པོས་བཅོམ་ལྡན་འདས་གསང་བ་མཆོག་གི་བདག་པོ་ལ་འདི་སྐད་ཅེས་བསྟོད་དོ།། ཨེ་མའོ་རྣམ་དག་སྟོང་པའི
20a4 ལམ།། སངས་རྒྱས་ཀུན་གྱི་སྐུ་ཡི་མཆོག། སྣ་ཚོགས་ལས་བྱུང་ཁྱོད་ལ་འདུད།། སངས་རྒྱས་ཀུན་གྱི་གསུང་གི་མཆོག། རྣམ་དག་སྒྲ་ཆེན་ཁྱོད་ལ་འདུད།། སངས་རྒྱས་ཀུན་གྱི་ཐུགས་ཆེན་པོ།། ཡེ་ཤེས་གཙོ་ལ་ཕྱག
20a5 འཚལ་འདུད།། སངས་རྒྱས་ཡེ་ཤེས་རྡོ་རྗེ་ཅན།། རྡོ་རྗེ་འཛིན་ལ་ཕྱག་འཚལ་འདུད།། ཆོས་ཀྱི་འཁོར་ལོས་རབ་སྦྱར་བ།། སངས་རྒྱས་འཁོར་ལོ་ཁྱོད་ལ་འདུད།། ནོར་བུ་འཛིན་པ་ཁྱོད་ལ་འདུད།། པདྨ་པདྨ་འཆང་ལ
20a6 འདུད།། སྣ་ཚོགས་ལས་ལ་ཕྱག་འཚལ་ལོ།། ཞེས་གསོལ་བ་བཏབ་བོ།། དེ་ནས་བཅོམ་ལྡན་འདས་གསང་བ་མཆོག་གི་བདག་པོ་ནི། དེ་བཞིན་ཉིད་ལ་དམིགས་ནས་ཅང་མི་གསུང་བར་བཞུགས་སོ།། དེ་ཚེ་རིགས
iiif viewer powered by OpenSeadragon
