| e-texts navigator |
| Wylie |
209b1 འདིར་བསྟན་པ་ཡིན་པས། རྒྱུད་འདི་ཡང་རིམ་གྱི་སྣང་བ་ལས། ཀུན་ཏུ་རྒྱས་པར་མ་བསྟན་ཏེ་ཡང་དག་པའི་མན་ངག་ངེས་པར་འདོད་པ་དང་། དོན་མན་ངག་འདི་དང་ཕྲད་ན་ཟང་ཟིང་ཡོན་དང་གྲོགས་ཚེགས་ལ་མི
209b2 བལྟ་བའི་རྣལ་འབྱོར་པ་འགའ་ཞིག་སྲིད་པ་དག་ལ་བསྟན་པར་བྱའོ།། གང་ཞིག་སྣོད་དང་མི་ལྡན་པ་རྣམས་ལ་ནི། དམུས་ལོང་ལ་བཞིན་མཐོང་དུ་མི་བཏུབ་པའི་དཔེ་བཞིན། མན་ངག་བསྟན་ཀྱང་གོ་ཞིང་རྟོགས་པ
209b3 མི་ནུས་པ་ཡིན་པས། དེ་བས་ཤིན་ཏུ་གསང་བར་བསྟན་པའོ།། རྡོ་རྗེ་སེམས་དཔའ་རྒྱུད་འདིའི་མིང་ཙམ་འཛིན་པའམ་ཡང་ཐ་ན་ཚིག་འབྲུ་གཅིག་ཙམ་ཡང་། ཁ་ཏོན་དུ་འདོད་ན་མན་ངག་གི་དངོས་གྲུབ་ཐོབ་པ་ཡིན
209b4 པས།། དེ་ལ་ནི་གོལ་བ་མེད་དོ།། དེ་སྐད་ཅེས་སུས་ཀྱང་མ་གསུངས་པར་བཀའ་སྩལ་པས། རྡོ་རྗེ་སེམས་དཔའ་དེ་དང་མི་གཉིས་གཅིག་པའི་གང་ཟག་རྣལ་འབྱོར་པ་རྣམས་ཀྱིས་རྒྱུད་འདིའི་དོན་རྟོགས་པར་གྱུར
209b5 ཏོ།། སྤྱོད་པ་ཐམས་ཅད་ཀྱི་རྒྱལ་པོ་བརྩོན་པ་དོན་ལྡན་གྱི་རྒྱུད་ལས། ཡོན་ཏན་རང་རྒྱུད་གཏད་པའི་ལེའུ་སྟེ་དྲུག་པའོ།། །། སྤྱོད་པ་ཐམས་ཅད་ཀྱི་རྒྱལ་པོ་བརྩོན་པ་དོན་ལྡན་གྱི་རྒྱུད་ལས་གསུངས་པ་མེད་པའི
209b6 མཛོད། སེམས་ཀྱི་འབྲས་བུ་མཆོག་ས་མ་ཏི་རྫོགས་སོ།། །། བར་འདིར་དམ་ཚིག་རྒྱལ་པོ་དམ་ཚིག་བཀོད་པའི་རྒྱུད་འཛུད།།
iiif viewer powered by OpenSeadragon
