| e-texts navigator |
| Wylie |
209a1 འདས་པར་བསྟན་པའི་རྒྱུད་འདི། མ་བསླད་པའི་ཡོན་ཏན་ཁྱད་དུ་ཆེ་བས་ཆེ་བ་དང་། མ་བཙལ་བའི་མཐུ་དཔག་ཏུ་མེད་པ་དང་། མ་བསྒྲུབས་པའི་དངོས་གྲུབ་ཤིན་ཏུ་བརྗོད་ཀྱིས་མི་ལངས་པ་དང་།
209a2 མ་གསུངས་པའི་ཆོས་བསམ་གྱིས་མི་ཁྱབ་པ་དང་ལྡན་པའི་རྒྱུད་འདི་ནི། ཉན་ཐོས་དང་ཐེག་པ་དམན་པ་རྣམས་ཀྱིས་རྟོགས་པ་ལྟ་ཅི་སྨོས་ཀྱི། མིང་ཙམ་ཡང་ཐོས་པར་མི་འགྱུར་ལ། སངས་རྒྱས་ཐམས་ཅད་ཀྱིས་ཀྱང་།།
209a3 འདིའི་ཡོན་ཏན་བརྗོད་ཀྱིས་མི་ལངས་པ་ལགས་ཏེ། ནམ་མཁའ་ལ་ཆ་ཤས་སུ་ཕྱེ་ཞིང་བསྔོ་བར་རུང་གི་འདིའི་ཡོན་ཏན་བརྗོད་པར་མི་ནུས་སོ།། འབྱུང་བ་ཐམས་ཅད་ནི་འབྲུའི་ཉག་མ་ཙམ་ནས་བགྲང་བར་ནུས་པར
209a4 ཟད་ཀྱི། འདིའི་ཡོན་ཏན་བགྲང་བ་ལས་འདས་པའོ།། དེ་ཅིའི་སླད་དུ་ཞེ་ན། བཅོམ་ལྡན་འདས་འདིའི་དོན་ནི་གྲངས་སམ་མུ་མཐའ་དཔག་ཏུ་མེད་པའི་ཕྱིར་རོ།། དེ་ལྟ་བས་ན་རྒྱུད་འདི་ཡང་སུས་ཐོབ་པ་སྟོན་པ་ཉིད
209a5 དོ།། སྟོན་པ་ཉིད་ཀྱང་རྒྱུད་འདིའོ།། ཀུན་ཏུ་བཟང་པོ་ཡང་རྒྱུད་འདིའོ།། འདི་ཡིད་ལ་དྲན་པས་སངས་རྒྱས་ཐམས་ཅད་ཀྱི་ཐུགས་ཀྱི་ཡེ་ཤེས་སོ།། གོང་དུ་བསྟན་པ་ལྟར་དཀོན་པ་ཉིད་ཀྱི་དཔེ་ནི། ཨུ་དུམ་ཝ་ར་དང
209a6 འདྲའོ་ཞེས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ་དང་། རྡོ་རྗེ་སེམས་དཔའ་ལེགས་སོ་ལེགས་སོ།། རྒྱུད་འདི་ང་ཀུན་ཏུ་བཟང་པོས་དུས་གསུམ་དུ་དགོངས་པ་ཉིད་ཡིན་ནོ།། ངའི་དགོངས་པ་ཉིད
iiif viewer powered by OpenSeadragon
