| e-texts navigator |
| Wylie |
208b1 ཉིད་ཀྱིས་མ་རྟོགས་ཏེ།། འཇིག་རྟེན་ཁམས་ན་འཕྱན་ཞིང་ཉེན།། ཡང་གསང་ངེས་པའི་ཐེག་པ་འདི།། རང་ཉིད་ཡིན་པས་བརྟགས་པའི་རྒྱུ།། ཞེས་བྱ་སྟེ། དེ་བས་ན་རྡོ་རྗེ་སེམས་དཔའ་སེམས་ཅན་གྱི་ཉོན་མོངས་པ
208b2 མེད་པའི་དངོས་གྲུབ་ནི། བདེ་བར་གཤེགས་པ་ལ་ཡང་མི་མངའོ།། སེམས་ཅན་གྱི་སྐྱོན་མེད་པའི་ཡོན་ཏན་ནི། བདེ་བར་གཤེགས་པས་ཀྱང་མ་བཤད་དོ།། སེམས་ཅན་གྱི་སྤྱོད་པ་ཆོས་ཉིད་ཡིན་པ་ལས། དེ་ལས
208b3 གཞན་པའི་ཆོས་ནི་སྟོན་པས་ཀྱང་མ་གསུངས་སོ།། འཁོར་བ་མྱ་ངན་ལས་འདས་པ་ཡིན་པ་ལས། གཞན་དུ་མྱ་ངན་ལས་འདས་པ་མ་བསྟན་ཏོ།། སེམས་ཅན་གྱི་ཅི་བྱས་ཅི་སྤྱད་པ་ཉིད། རྣམ་པར་དག་པའི་སངས
208b4 རྒྱས་ཀྱི་མཛད་སྤྱོད་ཡིན་པ་ལས། གཞན་དུ་སངས་རྒྱས་ཀྱི་མཛད་སྤྱོད་མ་བྱུང་ངོ་།། རྒྱུ་ཉིད་གདོད་མ་ནས་དག་པའི་འབྲས་བུ་ཡིན་པ་ལས། བཙལ་བ་དང་བཅོས་པའི་འཕོ་འཇུག་གི་རང་རིག་པའི་བློང་ནས་མ
208b5 ཕྱེའོ།། དེ་ལྟ་བུའི་དོན་སེམས་ཅན་ལ་རང་ལ་རང་ཆས་སུ་ཡོད་ན་འགྱོད་པའི་རྒྱུ་ཅི་ཡོད། ཅེས་བཀའ་སྩལ་པས། རྡོ་རྗེ་སེམས་དཔའ་མྱ་ངན་ལས་འདས་པར་གྱུར་ཏོ།། སྤྱོད་པ་ཐམས་ཅད་ཀྱི་རྒྱལ་པོ་བརྩོན་པ་དོན
208b6 ལྡན་གྱི་རྒྱུད་ལས། རྡོ་རྗེ་སེམས་དཔའ་མྱ་ངན་ལས་འདས་པའི་ལེའུ་སྟེ་ལྔ་པའོ།། །། དེ་ནས་རྡོ་རྗེ་སེམས་དཔས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་འཁོར་བ་མྱ་ངན་ལས
iiif viewer powered by OpenSeadragon
