| e-texts navigator |
| Wylie |
208a1 དང་། གཞོན་ནུའི་རོལ་པ་ལ་སོགས་པ་བུས་པ་དེ་ཉིད་རང་ལ་ཚང་བར་ཡོད་ཀྱང་། འཚོ་བའི་མ་མ་དང་། རྩེ་གྲོགས་ལ་སོགས་པ་རྣམས་ཀྱིས་མ་བསྟན་ན། དེ་ལྟར་ངོ་མི་ཤེས་ལ། བསྟན་ན་ངོ་ཤེས་པ
208a2 བཞིན། དོན་གོང་མ་འདི་དག་སེམས་ཀྱི་སྐྱོན་ཉིད་ཡིན་པ་དེ། ལུང་ངེས་པ་འདི་མ་བསྟན་ན་དེ་བཞིན་དུ་མི་ཤེས་ཤིང་མི་རྟོགས་པ། ལུང་འདི་དག་བསྟན་ན་སྐྱོན་ཡང་ཡང་དག་པའི་ལུང་དུ་འགྱུར་རོ།། རྡོ་རྗེ་སེམས
208a3 དཔའ་ཆོས་ཀྱི་སྒོ་སེམས་ཅན་ཉིད་ལས་བྱུང་བ་ནི། དཔེར་ན་ནམ་མཁའ་ལ་ཆར་པ་བབ་པ་དེ་ཉིད་མཚོ་ཉིད་ལས་བྱུང་ཞིང་དེ་ཉིད་དུ་འབབས་པ་བཞིན་གནས་ཀྱང་། ཤེས་པ་དག་པས་དེ་བཞིན་རྟོགས་ལ། ཤེས་པ་མ
208a4 དག་པས་དེ་བཞིན་དུ་མི་ཤེས་པ་བཞིན། ཆོས་ཀྱི་སྒོ་མོ་བསམ་གྱིས་མི་ཁྱབ་པར་གསུངས་པ་ཡང་། སེམས་ཅན་གྱི་རྒྱུ་གཉིས་ཉོན་མོངས་པ་དང་། འཁོར་བ་ཉིད་ཀྱིས་གསུངས་ལ། ཡིན་ཡང་དེ་ཉིད་ཡིན་ལ། འབྲས
208a5 དེ་ཉིད་གཞན་དུ་བཙལ་དུ་མེད་པའི་དོན། རྒྱུད་འདི་བློ་ལ་འདྲིས་པ་རྣམས་ཀྱིས་དེ་བཞིན་དུ་ཤེས་པ་ལས། འདི་བློ་ལ་མ་འདྲིས་པ་རྣམས་ཀྱིས་དེ་བཞིན་དུ་མི་ཤེས་པས། འདི་བློ་ལ་མ་འདྲིས་པ་རྣམས་ཀྱིས་རྟོགས
208a6 པར་དཀའོ།། དེ་ཅིའི་ཕྱིར་ཞེ་ན། དེ་ནི་སྤྱོད་པ་ཉིད་དུ་གནས་པ་དང་། གནས་པ་ཉིད་དུ་གནས་པ་མེད་པའི་དོན་མ་རྟོགས་པས། དེ་ལ་འདི་སྐད་ཅེས་བཤད་པར་བྱའོ།། ཀུན་ནས་གསང་བའི་མན་ངག་ནི། གནས་པ
iiif viewer powered by OpenSeadragon
