| e-texts navigator |
| Wylie |
206a1 མ་ཉིད་ནས་རང་བཞིན་མེད་པ་མ་སྐྱེས་པ་ཡིན་པས་དེ་བཞིན་དུ་བལྟ་བ་དང་། ཐོག་མ་ཉིད་ནས་མ་གཡོས་བཞིན་གཉིས་སུ་མེད་པ་དེ་བཞིན་དུ་ལྟ་བ་དང་། ཐོག་མ་ཉིད་ནས་མ་བཅོས་ཤིང་མི་འགྱུར
206a2 བ་དེ་བཞིན་དུ་ལྟའོ།། དེ་ནས་དེ་ལ་འདི་སྐད་ཅེས་བཤད་པར་བྱའོ།། ཡེ་ནས་བཅོས་པ་མེད་པ་ཡི།། རང་བྱུང་སྙིང་པོ་ཡིན་པ་ལ།། དེ་བཞིན་བཙལ་བ་མེད་པ་ཡིས།། དེ་བཞིན་གཡོས་པ་མེད་པར་བཞག། དེ་བཞིན
206a3 ཆོས་ཉིད་ཡིན་ཤེས་ན།། གཞན་དུ་ཆོས་ཉིད་བཏགས་མི་དགོས།། མ་བཅོས་པ་ཡི་མན་ངག་ལ།། དེ་ལ་གོམས་པའི་གདེང་ཆེན་དུ།། ངེས་པར་ལུང་བསྟན་བཤད་པར་བྱའོ།། དེས་ནི་ཡིད་ཆེས་ལ་བཟླས་སོ།། སྤྱོད
206a4 པ་ཐམས་ཅད་ཀྱི་རྒྱལ་པོ་བརྩོན་པ་དོན་ལྡན་གྱི་རྒྱུད་ལས། ཐབས་ཀྱི་སྤྱོད་པ་གང་ལྟར་སྤྱོད་ཅིང་ལྟ་བའི་ལེའུ་སྟེ་བཞི་པའོ།། །། དེ་ནས་བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་པ་དང་། རྡོ་རྗེ་སེམས
206a5 དཔས་ཤིན་ཏུ་གདུང་བའི་མཆི་མས་ངུས་སོ།། དེ་ནས་བཅོམ་ལྡན་འདས་ཀྱིས་རྡོ་རྗེ་སེམས་དཔའི་ཐུགས་ངལ་བསང་བའི་ཕྱིར། འདི་སྐད་ཅེས་བཀའ་སྩལ་ཏོ།། འགྲོ་ལ་ཕན་པའི་གཙོ་ཆེན་གྱིས།། གདུང་བ་སྐྱེ་བར
206a6 ཤིན་ཏུ་ལེགས།། གང་ཞིག་མཉན་པར་བརྩོན་པ་ནི།། ལེགས་འོང་བུ་ལ་བཤད་པར་བྱའོ།། དེ་ནས་རྡོ་རྗེ་སེམས་དཔས་གསོལ་པ། སངས་རྒྱས་ཐམས་ཅད་སྤྱོད་པས་སངས་རྒྱས་ན། སེམས་ཅན་སྤྱོད་པས་དེ་ལྟར་མ
iiif viewer powered by OpenSeadragon
