| e-texts navigator |
| Wylie |
205b1 སུ་སྤྱོད་པ་སྟེ།། དོན་འདི་རྟོགས་ཤིང་ཤིན་ཏུ་བདེའོ།། དབྱིངས་ལ་སྦྱོར་བ་ཡུམ་ཞེས་བྱའོ།། ཐབས་ལ་སྤྱོད་པས་ཡབ་ཅེས་བྱའོ།། ཉམས་སུ་ལོན་པས་བྱང་ཆུབ་སེམས།། བློ་ལ་བསྟར་བས་དགྱེས་པའི་རོ།། གང་ཡིན
205b2 པ་ཡི་ཆོས་རྣམས་ལ།། དེ་ཡི་ཤེས་པ་དེ་བཞུགས་པས།། བདེ་བ་ཆེན་པོ་ཐབས་སུ་སྤྱོད།། མུ་མཐའ་མེད་པའི་སྤྱོད་པ་ལ།། དེ་ཡི་རྩོལ་བ་དེ་ཞུགས་པས།། བདེ་བ་ཆེན་པོའི་ཐབས་སུ་སྤྱོད།། མ་སྤངས་པ་ཡི་རྒྱུ་རྣམས
205b3 ལ།། རོལ་པ་ཆེན་པོའི་ཐབས་ཞུགས་པས།། བདེ་བ་ཆེན་པོའི་ཐབས་སུ་སྤྱོད།། གཉིས་སུ་མེད་པས་དགའ་ཞེས་བྱའོ།། གསལ་བ་དགའ་བས་བདེ་ཞེས་བྱ།། ཆགས་པར་བྱ་བ་ཡུམ་ཞེས་བྱ།། དམིགས་པར་བྱ་བས
205b4 ཡབ་ཅེས་བྱའོ།། གནས་པར་བྱ་བ་བྷ་གའོ།། དགའ་བདེ་སྐྱེས་པས་བྷ་གའོ།། སྤྱད་པར་བྱ་བས་བྷ་གའོ།། རྡོ་རྗེ་སེམས་དཔའི་དགའ་བའོ།། ཀུན་ཏུ་བཟང་པོའི་བདེ་བའོ།། མཉམ་པ་ཉིད་ཀྱི་སྤྱོད་པའོ།། སྐྱེ་འགག
205b5 མེད་པའི་ཕྲིན་ལས་སོ།། རྣལ་འབྱོར་ཐུགས་ཀྱི་དགོངས་པའོ།། སངས་རྒྱས་རྣམས་ཀྱི་མཛད་སྤྱོད་དོ།། འདི་ལྟར་མན་ངག་དོན་འཆང་བ།། ཐབས་ཀྱི་སྤྱོད་པ་དམ་པ་འཆང་།། འདི་ལྟར་ཐམས་ཅད་དུ་གནས
205b6 པ།། བརྩོན་པ་དོན་དང་ལྡན་པའོ།། ཐབས་ཀྱི་སྤྱོད་པ་ཡིན་ཞེས་བྱའོ།། དེ་ལ་ལྟ་བ་གང་དང་ལྡན་པ་ནི།། ལྟ་བ་ཐོག་མ་ཉིད་ནས་ལྟ་བ་ལ།། དེ་ཇི་ལྟར་དུ་ཡིན་པ་དེ་བཞིན་དུ་ལྟ་བའོ།། དེ་ཡང་གང་ཞེ་ན། དེ་ཡང་ཐོག
iiif viewer powered by OpenSeadragon
