| e-texts navigator |
| Wylie |
205a1 བར་མ་ཆགས་པས།། བརྩོན་པ་དོན་དང་ལྡན་ཞེས་བྱའོ།། དེ་ལ་བདེ་ཆེན་ཡུམ་གྱི་བྷ་ག་ལ་གཉིས་སུ་མེད་པར་ཐབས་ཀྱིས་སྤྱོད་པ་ནི། ཐམས་ཅད་དུ་བདེ་བའི་ལོངས་སྤྱོད་དེ། དཔེར་ན་གསེར་གྱི་གླིང
205a2 ལ་རྡོ་བཙལ་གྱིས་མི་རྙེད་ལ། འདོད་ཆགས་ཀྱི་དགའ་བ་བསྟར་ན་གང་ལ་ཡང་མི་དགའ་བ་དང་མི་བདེ་བ་མེད་པ་བཞིན། ཆོས་ཉིད་བདེ་བ་ཆེན་པོའི་དོན་མན་ངག་ལ། འཁོར་བའི་སྐྱོན་དང་ཟུག་རྔུ་བཙལ་གྱིས་མི
205a3 རྙེད་ལ། ཆོས་ཉིད་དགའ་བདེ་སེམས་ཀྱི་རོ་སྙོམས་སུ་བསྟར་ནས། དགའ་བའི་ལོངས་སྤྱོད་མ་ཡིན་པ་དང་། བདེ་བའི་ལོངས་སྤྱོད་གང་ཡང་མ་ཡིན་པ་གང་ཡང་མེད་པར་ཤེས་པས། དེ་ཉིད་བློའི་ཆགས་པར་བྱ་བའི
205a4 ཡུལ་དུ་གྱུར་པ་ཡིན་པས་ཡུམ་གྱི་བྷ་ག་ཡིན་ལ། དེ་གཉིས་སུ་མེད་པར་སྤྱོད་པ་ནི་ཐབས་ཏེ། དུས་ཐམས་ཅད་དུ་སྩོལ་བ་དང་མ་བྲལ་བས། གཉིས་སུ་མེད་པའི་རོལ་པ་རྒྱུན་མ་ཆད་པ། བྲལ་ན་བྲལ་ཏེ་ལེགས་པས།།
205a5 བཙལ་མེད་ཀྱི་དགའ་བ་དེ་ལ་ཞུགས། སེམས་ཀྱིས་ཐམས་ཅད་དུ་དྲན་རིག་སྐྱེས་པས། དུས་གསུམ་རིག་པའི་དབྱིངས་ལོན་པས། འདུ་འབྲལ་མེད་པའི་གཟུགས་སུ་རྒྱུན་མ་ཆད། དྲན་རིག་མ་སྐྱེས་ན་མ་སྐྱེས་སུ་ཟད
205a6 དེ། དྲན་མེད་ཤེས་རབ་ཀྱི་ཀློང་ན། འཛིན་མེད་ཐབས་ཀྱི་རྒྱལ་པོ།། འགྱུར་མེད་དགའ་བ་དེའི་ཀློང་ན་བཞུགས་པས། དེ་ལ་འདི་སྐད་ཅེས་བཤད་པར་བྱའོ།། བཙལ་བ་གཉིས་སུ་མེད་པ་ནི།། ཡབ་ཡུམ་གཉིས
iiif viewer powered by OpenSeadragon
