| e-texts navigator |
| Wylie |
204a1 པས་ཐམས་ཅད་བསྒྲལ།། སེམས་ཅན་ཐམས་ཅད་བསྒྲལ་བ་ནི།། རྒྱལ་བ་མཉེས་ཏེ་སྲས་སུ་སྐྱེ།། གཙང་སྨེ་མེད་པར་ཟ་བ་ནི།། རྒྱལ་བ་མཉེས་ཏེ་སྲས་སུ་སྐྱེ།། སྤང་ལེན་མེད་པར་སྦྱོར་བ་ནི།། རྒྱལ་བ
204a2 མཉེས་ཏེ་སྲས་སུ་སྐྱེ།། བཟང་ངན་མེད་པར་སྤྱོད་པ་ནི།། རྒྱལ་བ་མཉེས་ཏེ་སྲས་སུ་སྐྱེ།། ཐབས་ཀྱི་སྤྱོད་པས་མ་སྤྱད་ན།། སྤང་བ་ཉིད་ཀྱང་འཁོར་བའི་རྒྱུ།། ཐབས་ཀྱི་སྤྱོད་པས་སྤྱད་པ་ནི།། བདག་པོ་ཞིང་ལ
204a3 ལོངས་སྤྱོད་འདྲ།། གང་ཞིག་དེ་དང་མི་ལྡན་ན།། རང་ནོར་སྤྱད་ཀྱང་མ་བྱིན་བླངས།། ཐབས་ལ་མཁས་པའི་སྤྱོད་པས་ནི།། འབྱུང་བའི་ཆོས་ཉིད་ཡུམ་དུ་སྤྱོད།། སྣང་སྲིད་ཀུན་ཏུ་བཟང་མོར་སྤྱོད།། ཡུལ་ནི་ཆོས་ཀྱི
204a4 དབྱིངས་སུ་སྤྱོད།། ལུས་ནི་ཕྱག་རྒྱ་ཆེན་པོར་སྤྱོད།། ཕུང་པོ་རྣམ་གྲོལ་ཞིང་དུ་སྤྱོད།། དུག་གསུམ་སྐུ་གསུང་ཐུགས་སུ་སྤྱོད།། དོན་དམ་ཉིད་དུ་མ་སྐྱེས་པས།། ཐབས་ཀྱིས་སྤྱད་ཀྱང་གོལ་ས་མེད།། མ་ཆགས་རྟོག་པ
204a5 མེད་པར་སྤྱོད།། དོན་དང་མཐུན་ཞིང་འགལ་མེད་པའོ།། དེ་ལ་ཉོན་མོངས་པ་ནང་གི་ཆོས་ལ་ཐབས་ཀྱིས་སྤྱོད་པ་ནི།། དཔེར་ན་ཉི་མའི་དཀྱིལ་འཁོར་ལ་མུན་པ་ངང་གིས་མི་གནས་པ་བཞིན་དུ།། མཁས་པའི་སྤྱོད་པ
204a6 ལ་ཉོན་མོངས་པ་ངང་གིས་མི་གནས་ཏེ།། ཐབས་ཀྱིས་སྤྱོད་པས་འདོད་ཆགས་ཆོས་ཉིད་དག་པའི་རྒྱན་དུ་སྤྱོད།། ཞེ་སྡང་ཐུགས་རྗེ་ཆེན་པོའི་ཞིང་དུ་སྤྱོད།། གཏི་མུག་མ་སྐྱེས་པའི་དབྱིངས་སུ་སྤྱོད།། ང་རྒྱལ་ཆེ་བའི
iiif viewer powered by OpenSeadragon
