| e-texts navigator |
| Wylie |
203b1 འདྲ་བར་ཐབས་མཁས་པའི་སྤྱོད་པས་མཚན་མ་རྫས་སུ་སྣང་བ་ཐམས་ཅད་སྒྱུ་མ་ཡིན་པ་དང་། རང་བཞིན་མ་གྲུབ་པས་གཉིས་སུ་མེད་པ་དང་། མ་སྐྱེས་པས་གང་ལ་སྤྱད་ཀྱང་ཡོན་ཏན་ལས་སྐྱོན་མེད་དེ། སྒྱུ་མ་ལྟར
203b2 ཤེས་ཤིང་མ་སྐྱེས་པར་གོ་བས་སྲོག་གཅོད་པ་ཡང་ཡོན་ཏན་ལས་སྐྱོན་མེད་དེ། རང་བཞིན་མེད་པར་ཤེས་ལ། མཉམ་པ་ཉིད་དུ་གོ་བས་མ་བྱིན་པ་བླངས་པ་ཡང་ཡོན་ཏན་ལས་སྐྱོན་མེད་དེ་གཉིས་སུ་མེད་པ་ཤེས
203b3 ལ། ཐ་མི་དད་པས་མི་ཚངས་པར་སྤྱད་ཀྱང་ཡོན་ཏན་ལས་སྐྱོན་མེད་དེ། དེ་དོན་ལས་སོ་མ་གསོགས་སུ་མི་སྟོན། མན་ངག་སྤྱི་ལྡིངས་སུ་སྟོན་པ་ཐབས་ཀྱིས་སྤྱོད་པའོ།། དེ་ལ་ཕྱོགས་ཆའི་རིས་སུ་མ་ཕྱེ། བདག་མེད
203b4 ཀྱི་ཤེས་རབ་ཏུ་བརྡལ་བས་ཀྱང་ཐབས་ཀྱིས་སྤྱོད་པའོ།། དེ་ལ་བཟང་ངན་གྱི་སྤྱོད་པར་མ་ཕྱེ། རང་བྱུང་གི་ལོངས་སྤྱོད་དུ་མཛད་པས་ཀྱང་ཐབས་ཀྱིས་སྤྱོད་པ་སྟེ། དེ་ལ་འདི་སྐད་ཅེས་བཤད་པར་བྱའོ།། སྣང་སྲིད
203b5 མཚན་མའི་རྫས་རྣམས་ཀུན།། མ་རིག་རྨོངས་པའི་བློ་རྣམས་ཀྱིས།། ཡོད་པ་ཉིད་དུ་སྣང་བ་སྟེ།། ཐབས་ལ་མཁས་པའི་རྣལ་འབྱོར་པས།། རང་བཞིན་མེད་པར་འདྲིས་པར་སྤྱོད།། རྒྱུ་འབྲས་མཚན་མའི་ཆགས་སེམས
203b6 ལ།། གང་ཟག་འཁྲུལ་པས་རྟོག་པ་ཆགས།། མཁས་པས་ཡེ་ནས་དངོས་མེད་རྟོགས།། འབྱུང་བ་མ་སྐྱེས་ཡུམ་གྱི་ཀློང་།། འགྱུར་མེད་སྙིང་པོ་ཡིན་པར་སྟོན།། སྤྱོད་པའི་རྒྱལ་པོ་འདི་ལས་བྱུང་།། ལུས་ཀྱི་སྤྱོད
iiif viewer powered by OpenSeadragon
