| e-texts navigator |
| Wylie |
203a1 པའི་སྔོན་རོལ་ན།། སངས་རྒྱས་བྱང་ཆུབ་ཡོད་མ་ཡིན།། དུས་གསུམ་རྗེ་བཙན་བྱང་ཆུབ་སེམས།། གཞན་ལ་ཕན་འདོགས་ནུས་པའི་མཐུ།། རང་ལ་གནས་མེད་གོམས་པའི་གདེང་།། གཞི་བཞག་དོན
203a2 གྱི་སྙིང་པོར་བལྟའོ།། སྤྱོད་པ་ཐམས་ཅད་ཀྱི་རྒྱལ་པོ་བརྩོན་པ་དོན་ལྡན་གྱི་རྒྱུད་ལས། སེམས་ཀྱི་སྤྱོད་པ་གང་ལྟར་སྤྱོད་ཅིང་ལྟ་བའི་ལེའུ་སྟེ་གསུམ་པའོ།། །། དེ་ནས་བཅོམ་ལྡན་འདས་ཀྱིས་ཐབས་ཀྱི་སྤྱོད་པ
203a3 གང་ལྟར་སྤྱོད་ཅིང་ལྟ་བ་གང་དང་ལྡན་ན་འདི་ཆེད་དུ་བརྗོད་དོ།། ཐབས་ཀྱིས་སྤྱོད་པ་གང་ཡིན་པ།། རྡོ་རྗེ་སེམས་དཔས་ཉན་པར་གྱིས། ངེས་པར་ལུང་འདི་བསྟན་པར་བྱའོ།། དེ་ལ་ཐབས་ཀྱིས་སྤྱོད་པ་རྣམ་པ
203a4 གསུམ་སྟེ། ཀུན་རྫོབ་དངོས་པོའི་ཆོས་ལ་ཐབས་ཀྱིས་སྤྱོད་པ་དང་། ཉོན་མོངས་པ་ནང་གི་ཆོས་ལ་ཐབས་ཀྱིས་སྤྱོད་པ་དང་། བདེ་བ་ཆེན་པོ་ཡུམ་གྱི་བྷ་ག་ལ་གཉིས་སུ་མེད་པར་ཐབས་ཀྱིས་སྤྱོད་པའོ།། དེ་ལ་ཀུན
203a5 རྫོབ་དངོས་པོའི་ཆོས་ལ་ཐབས་ཀྱིས་སྤྱོད་པ་ནི། གནམ་རི་དང་ས་བྲག་རྩི་ཤིང་དང་ནགས་ཚལ་ལ་སོགས་པ། ཇི་སྲིད་རྫས་སུ་ཡོད་པ་ཐམས་ཅད་དང་། འབྱུང་བ་ཆེན་པོ་ལ་སོགས་པར་བསྐྱེད་ཅིང་སྙོམས་པ་ཐམས
203a6 ཅད་སྐྱོན་དུ་བལྟས་ནས་སྤང་བ་མ་ཡིན། དེ་ཉིད་ཐམས་ཅད་ཀྱི་སྤྱོད་པ་སྟེ། དཔེར་ན་སྐྱེས་བུ་དཔའ་རྩལ་དང་ལྡན་ཞིང་ཐབས་ལ་མཁས་པས་སྡང་བའི་ཕྱོགས་ཐམས་ཅད་ཐབས་ཀྱིས་བཏུལ་ནས་ཡོན་ཏན་དུ་སྣང་བ
iiif viewer powered by OpenSeadragon
