| e-texts navigator |
| Wylie |
202b1 བ་དང་།། སྡུག་བསྔལ་ཕྱོགས་རིས་བཙལ་བ་དང་།། གཞན་ནས་གཞན་དུ་བཙལ་བ་མེད།། དེ་བཞིན་དེ་ལ་དེ་བཞིན་བཙལ།། མན་ངག་དེ་ལ་ཉིང་ཁུར་བཙལ།། འགྱུར་མེད་དེ་ལ་ཀློང་དུ་བཙལ།། བཅོས་མེད་དེ་ལ
202b2 སྤྲོས་མེད་བཙལ།། ཡིན་པའི་དོན་ལ་ངེས་པར་བཙལ།། གནས་པའི་དོན་ལ་བརྟགས་པར་བཙལ།། ཤེས་པའི་དོན་ལ་སྤྱོད་པར་བཙལ།། དེ་ནི་བཙལ་བ་མེད་པ་ཡིས།། ཡེ་ཤེས་སྤྱོད་པ་ཡིན་ཞེས་བྱ།། དེ་ལ་སེམས
202b3 ཀྱི་ལྟ་བ་གང་དང་ལྡན་ན་དོན་དང་ལྡན་པ་ནི།། སེམས་ཀྱི་ལྟ་བ་ཡེངས་པ་མེད་པ་དང་།། སེམས་ཀྱི་ལྟ་བ་འགྱུར་བ་མེད་པ་དང་།། སེམས་ཀྱི་ལྟ་བ་བཅོས་སུ་མེད་པ་སྟེ།། དེ་ལ་སེམས་ཀྱི་ལྟ་བ་མ་ཡེངས་པ
202b4 གཉེན་པོས་བཅོས་པ་མ་ཡིན། རང་གི་རང་བཞིན་གྱིས་མ་ཡེངས་པ་སྟེ། དེ་ཅིའི་ཕྱིར་ཞེ་ན། ཅི་ལྟར་སྤྱད་པ་བདེ་བ་ཆེན་པོའི་ཀློང་ཡིན་པས། ཡེངས་པ་མེད་པའོ།། སེམས་ཀྱི་ལྟ་བ་འགྱུར་བ་མེད་པ་ནི། རང
202b5 བཞིན་མི་གཡོ་བ་ལ་ཚིག་དང་ཡི་གེས་གཞན་དུ་བསྟན་པར་དཀའ་བས་གཅིག་ཀྱང་མི་འགྱུར་བའི་དོན་ནོ།། སེམས་ཀྱི་ལྟ་བ་བཅོས་པ་མེད་པ་ནི།། དཔེར་ན་ནམ་མཁའ་ལ་ཆ་ཤས་སུ་བགོས་ཤིང་བཅོས་པས་ཚེ་ཆད
202b6 པ་དང་འདྲ་བར་ཀུན་གཞི་བྱང་ཆུབ་སེམས་ཀྱི་མཚན་ཉིད་ཡེ་ནས་ཁྱབ་ཅིང་གདལ་བ་ཆེན་པོ་གྲུབ་ཟིན་པ་ལ། ཚིག་དང་ཡི་གེས་འཆོས་པར་དཀའ་བའི་དོན་དེ་ལ་འདི་སྐད་ཅེས་བཤད་པར་བྱའོ།། རང་སེམས་མེད
iiif viewer powered by OpenSeadragon
