| e-texts navigator |
| Wylie |
201a1 དཀའ།། སེམས་ཀྱི་མཚན་ཉིད་དེ་བཞིན་ལ།། རང་བཞིན་བཅོས་པ་མེད་པ་ཡིས།། དེ་ནི་ཆོས་ཉིད་ཡིན་ཞེས་བྱ།། རང་བཞིན་མ་སྐྱེས་གང་ཤེས་པ།། དེ་ནི་ཆོས་ཉིད་སྤྱོད་པ་ཡིན།། ཅི་ལྟར་བཟོ་མཁས
201a2 ཚུལ་ཤེས་ཀྱང་།། སེམས་ཉིད་བཅོས་པར་ཡོངས་མ་གསུངས།། ཚིག་དང་ཡི་གེར་མ་བཅོས་པ།། དེ་ནི་སྐྱེ་འགག་མེད་པའི་དབྱིངས།། རང་བཞིན་དུ་ནི་བཟང་པོ་ཞིག། ངེས་པར་ཡང་དག་བསྟན་པར་བྱའོ།། མ་བཅོས
201a3 པ་ཡི་ཆོས་ཉིད་ལ།། སངས་རྒྱས་ཐམས་ཅད་ཀུན་འབྱུང་བ།། བྱུང་ཙམ་ཉིད་ནས་བཅོས་སུ་མེད།། དཔེར་ན་ནམ་མཁའི་མཚན་ཉིད་ལ།། འཇའ་ཚོན་གཟུགས་བརྙན་སྣང་བ་ཡང་།། སྣང་ཙམ་ཉིད་ནས་རང་བཞིན
201a4 མེད།། དེ་བཞིན་བཅོས་པ་མེད་པ་ཡིས།། སྐྱེ་དང་འགག་སྤངས་ཆོས་ཉིད་དབྱིངས།། གཉིས་མེད་སོ་སོ་མ་ཡིན་པས།། སྐྱེ་བ་མེད་ལས་སྤྲོས་པ་མེད།། རང་བཞིན་མེད་པས་འཛིན་པ་མེད།། འཕོ་འགྱུར་མེད་པས་ཡུམ
201a5 གྱི་ཀློང་།། དེ་ལ་སྐྱེ་དང་འགག་སྤངས་པའི།། ཀུན་ལ་རོལ་པས་ཡུམ་གྱི་དབྱིངས།། ཡབ་ཡུམ་གཉིས་མེད་སོ་སོ་མིན།། དེ་བཞིན་བཅོས་མེད་ཆོས་ཉིད་དེ།། སུས་ཀྱང་བཅོས་མེད་བཅོས་མི་འགྱུར།། འདི་ལྟར་རྟགས
201a6 པའི་རྣལ་འབྱོར་པས།། བཅོས་མེད་ཆོས་སུ་སྤྱོད་པ་དེ།། དེ་ལྟར་ཉིན་དང་མཚན་མེད་པར།། མན་ངག་འདི་ལ་གང་གནས་པ།། སེམས་སྤྱོད་སྤྱོད་པ་དོན་དང་ལྡན།། ངེས་པ་ཉིད་དུ་བསྒྲུབ་པ་སྟེ།། དེ་ནི་རྟག་ཏུ་ངེས་པ
iiif viewer powered by OpenSeadragon
