| e-texts navigator |
| Wylie |
200b1 སེམས་མེད་པས།། མཐའ་དབུས་ཆེ་ཆུང་འགྱུར་བ་མེད།། སེམས་ལ་དམིགས་པའི་སེམས་མེད་པས།། ཡངས་དོག་མཐོ་དམན་འགྱུར་བ་མེད།། དེ་ནི་སྙིང་པོ་ངེས་པའི་ལུང་།། འདི་ལྟར་རྟོགས་པའི་རྣལ་འབྱོར
200b2 པས།། འགྱུར་མེད་སྙིང་པོར་སྤྱོད་པ་བཟང་།། དེ་ལྟར་དུས་གསུམ་འགྱུར་མེད་པས།། ལྟ་བ་འདི་ལ་གང་གནས་པ།། སེམས་བསྐྱེད་བརྩོན་པ་དོན་དང་ལྡན།། ངང་ཉིད་བཅོས་མེད་སྙིང་པོར་འགྲུབ།། སངས་རྒྱས་རྣལ
200b3 འབྱོར་དུས་གསུམ་དུ།། ཀུན་ཏུ་བཟང་པོའི་དགོངས་པ་འཆང་།། གང་ལྟར་སྤྱད་ཀྱང་སྤྱད་དུ་ཟད།། འགྱུར་མེད་སྙིང་པོ་ཡིན་པར་ངེས།། དེ་ལ་སེམས་བཅོས་མེད་ཆོས་ཉིད་ཀྱི་དོན་དུ་སྤྱོད་པ་ནི། ཆོས་རྣམས་ཀྱི་ཆོས
200b4 ཉིད་ནི་ཡང་དག་པར་སངས་རྒྱས་ཉིད་ཀྱིས་ཀྱང་བཅོས་པར་དཀའ་ལ་ཀུན་རྫོབ་ཏུ་སེམས་ཀྱང་མ་བསླད་བསླད་དུ་མེད་པས། དེ་བཞིན་དུ་སེམས་ཀྱི་དོན་ཡང་གནས་པས་གཞན་དུ་བསྟན་པ་མེད་དེ། དེ་ཅིའི་ཕྱིར་ཞེ
200b5 ན། དེ་ནི་དཔེར་ན་དངོས་པོ་མེད་པ་ལ། གང་གིས་བཟུང་བར་དཀའ་བ་བཞིན། ཆོས་ཉིད་སྟོང་པ་ལ་སྒྲོ་འདོགས་པར་དཀའ་བས། དོན་ཉིད་ཡིན་པར་ཤེས་པར་དཀའ་བ་ལ། མ་བཅོས་པར་དེ་དང་མཐུན་པར་སྤྱོད
200b6 པ་ནི། བཅོས་པ་མེད་པ་ཆོས་ཉིད་ཀྱི་ངང་དུ་སྤྱོད་པ་སྟེ། དེ་ལ་འདི་སྐད་ཅེས་བཤད་པར་བྱའོ།། སེམས་ཉིད་མ་སྐྱེས་ཆོས་ཉིད་ནི།། ཚིག་དང་ཡི་གེ་ཀུན་སྤངས་པས།། འདི་འདྲའི་སེམས་ནི་བརྟག་པར
iiif viewer powered by OpenSeadragon
