| e-texts navigator |
| Wylie |
200a1 དང་རྒྱུན་མེད་པར།། མན་ངག་འདི་ལས་མ་ཡེངས་ན།། སེམས་ཀྱི་རང་བྱུང་སྤྱོད་པར་བཤད། དེ་ལ་སེམས་འགྱུར་བ་མེད་པའི་སྙིང་པོར་སྤྱོད་པར་བཤད་པ་ནི། སེམས་ཁ་དོག་དང་དབྱིབས་སུ་འགྱུར
200a2 བ་མེད་པས། འགྱུར་བ་མེད་པ་དོན་གྱི་སྙིང་པོ་ཡིན་པས། དཔེར་ན་གསལ་བ་གང་ཡིན་པ་ཉི་མ་ཡིན་ལ། ཉི་མ་གང་ཡིན་པ་གསལ་བ་དང་འདྲ་བར། དུས་མི་འགྱུར་བ་ཐོག་མ་དང་ཐ་མ་མེད་པར་ཤེས་པ་དང་། སྤྱོད
200a3 པ་མི་འགྱུར་བ་ཉིན་དང་མཚན་མེད་པར་ཤེས་པ་དང་། སེམས་མི་འགྱུར་བ་སྐྱེ་ཤི་མེད་པར་ཤེས་པ་ཉིད་འགྱུར་བ་མེད་པའི་སྙིང་པོ་ཡིན་ལ།། འགྱུར་མེད་ཀྱི་སྙིང་པོ་ཉིད་དེ་ལྟར་ཤེས་པ་ཡིན་པས། དེ་ནི་འབྱུང་བའི
200a4 སྙིང་པོ་ཡིན།། བར་སྣང་མཚོན་གྱི་ཆར་འབབས་ན།། སྐྱེ་ཤི་གཉིས་ཀྱི་མིང་བཏགས་ཀྱང་།། བྱང་ཆུབ་སེམས་ལ་འགྱུར་བ་མེད།། དེ་ནི་སེམས་ཀྱི་སྙིང་པོ་ཡིན།། སེམས་ལ་དངོས་པོ་རྫས་མེད་པས།། ཁ་དོག་དབྱིབས
200a5 སུ་འགྱུར་བ་མེད།། སེམས་ལ་བརྟག་པའི་མུ་མེད་པས།། སྐྱེ་ཤི་གཉིས་སུ་འགྱུར་བ་མེད།། སེམས་ལ་བརྟེན་པའི་གནས་མེད་པས།། ཕྱོགས་རིས་གཉིས་སུ་འགྱུར་བ་མེད།། སེམས་ལ་ཆགས་པའི་གཞི་མེད
200a6 པས།། སྤང་ལེན་གཉིས་སུ་འགྱུར་བ་མེད།། སེམས་ལ་ང་དང་བདག་མེད་པས།། བཟང་ངན་གཉིས་སུ་འགྱུར་བ་མེད།། སེམས་ལ་རིག་པའི་རྒྱུ་མེད་པས།། རྒྱུ་འབྲས་གཉིས་སུ་འགྱུར་བ་མེད།། སེམས་ལ་འཛིན་པའི
iiif viewer powered by OpenSeadragon
