| e-texts navigator |
| Wylie |
19b1 བྱས་པ།། པདྨ་དབྱིངས་ཕྱུག་ཕྱག་རྒྱ་ཡིན།། སྔགས་དང་ཕྱག་རྒྱ་འདི་ཡིས་ནི།། ཆོས་མཛོད་ཆེན་པོ་འཐོབ་པར་འགྱུར།། ཨོཾ་ཏཱ་རེ་ཏུད་ཏཱ་རེ་ཏུ་རེ་སྭཱ་ཧཱ།། ཐལ་མོ་ཁོང་སྟོང་སྦྱར་བ་ལས།། མཛུབ་གཉིས་བཀུག་པའི་རྩེ
19b2 མོ་ཡིས།། སོ་སོའི་གུང་མོའི་རྩེ་མོ་མནན།། མཐེབ་གཉིས་དབུས་སུ་བཞག་པ་ནི།། ལས་ཀྱི་དབྱིངས་ཕྱུག་ཕྱག་རྒྱར་བཤད།། སྔགས་དང་ཕྱག་རྒྱ་འདི་ཡིས་ནི།། སངས་རྒྱས་སེམས་ཅན་ཐམས་ཅད་ཀྱང་།། དབང
19b3 དུ་འགྱུར་བར་གདོན་མི་ཟ།། དེ་ནས་གཞན་ཡང་བཤད་བྱ་བ།། ཨོཾ་སརྦ་ཏ་ཐཱ་ག་ཏ་ཀཱ་ཡ་བཛྲ་སྭ་བྷཱ་ཝ་ཨཱཏྨ་ཀོ&ཧཾ།། ལག་གཉིས་ཁུ་ཚུར་བཅངས་པ་ལས།། མཐེབ་གཉིས་གྱེན་དུ་བཏེག་པ་ནི།། བདེར་གཤེགས་ཀུན
19b4 གྱི་སྐུ་ཡི་རྒྱ།། སྔགས་དང་ཕྱག་རྒྱ་འདི་ཡིས་ནི།། གང་ལ་བྱིན་གྱིས་བརླབས་པ་དེ།། རྡོ་རྗེ་ལྟ་བུའི་སྐུར་གྱུར་རོ།། ཨོཾ་སརྦ་ཏ་ཐཱ་ག་ཏ་ཝཱཀ་བཛྲ་སྭ་བྷ་ཝ་ཨཱཏྨ་ཀོ&ཧཾ།། ཕྱག་རྒྱ་གོང་མ་དེ་ཉིད་ལས།། གཡོན་གྱི་མཐེ་བོ
19b5 ནང་བཅུག་སྟེ།། གཡས་ཀྱི་མཐེ་བོ་དེ་བཞིན་བཏེག། བདེར་གཤེགས་ཀུན་གྱི་གསུང་གི་རྒྱ།། སྔགས་དང་ཕྱག་རྒྱ་འདི་ཡིས་ནི།། གང་ལ་བྱིན་གྱིས་བརླབས་པ་དེ།། སངས་རྒྱས་ཀུན་གྱི་གསུང་དུ་འགྱུར།། ཨོཾ་སརྦ
19b6 ཏ་ཐཱ་ག་ཏ་ཙིཏྟ་བཛྲ་སྭ་བྷ་ཝ་ཨཏྨ་ཀོ&ཧཾ།། ཕྱག་རྒྱ་གོང་མ་དེ་ཉིད་ལས།། གཡས་པའི་མཐེ་བོང་ནང་བཅུག་སྟེ།། གཡོན་པ་མཐེ་བོང་བཏེག་པ་ནི།། བདེར་གཤེགས་ཀུན་གྱི་ཐུགས་ཀྱི་རྒྱའོ།། སྔགས་དང་ཕྱག་རྒྱ་འདི
iiif viewer powered by OpenSeadragon
