| e-texts navigator |
| Wylie |
199b1 བཞིན།། ཀུན་ཁྱབ་སེམས་ཀྱི་མཚན་ཉིད་ལས།། ཅི་ལྟར་སྣང་ཞིང་གྲགས་པ་དང་།། གོ་ཞིང་རྟོགས་པ་ཐམས་ཅད་ཀུན།། རང་བྱུང་རྒྱལ་པོའི་ཡེ་ཤེས་ལས།། གལ་ཏེ་ལས་ཀྱི་དབང་བཙན་ན།། རང་བྱུང་ཡེ་ཤེས་དེ
199b2 ཡང་མེད།། འཁོར་བ་ཉིད་དུ་སེམས་པ་ཡང་།། འཁོར་བ་རང་བྱུང་ཡེ་ཤེས་པས།། རྟོགས་པའི་མན་ངག་མ་བསྟན་འབྱུང་།། དུས་གསུམ་ཉིད་དུ་སེམས་པ་ཡང་།། དུག་གསུམ་རང་བྱུང་ཡེ་ཤེས་པས།། ཇི་ལྟར་སེམས
199b3 པ་དེ་བཞིན་བཟང་།། རང་བྱུང་ཡེ་ཤེས་སྤྱད་པ་ལ།། འཁོར་བ་ངན་སོང་མིང་ཡང་མེད།། སེམས་ཅན་དང་ལས་སྤང་ལེན་མེད།། རྟོགས་པ་ཀློང་དུ་རང་བྱུང་བས།། རྒྱལ་བ་ཉིད་ཀྱིས་འདི་ལ་བསྔགས།། སེམས་ལ་དྲན
199b4 རིག་འབྱུང་བ་ཡང་།། རང་བྱུང་རྒྱལ་པོ་ཡེ་ཤེས་ཡིན།། སེམས་ལ་བྱུང་ཚོར་བྱུང་བ་ཡང་།། རང་བྱུང་རྒྱལ་པོ་ཡེ་ཤེས་ཡིན།། རང་བྱུང་ཡེ་ཤེས་ཆེན་པོ་ནི།། དུས་གསུམ་རྒྱལ་བའི་རྗེ་བཙན་ཏེ།། ལྟ་བ་སྐྱེ་ཤི་མེད་པའི
199b5 ཀློང་།། རྟོགས་པ་འདུ་འབྲལ་མེད་པའི་ངང་།། སྤྱོད་པ་བཅོས་མེད་སྙིང་པོར་སྤྱོད།། སྒྲུབ་པ་བཙལ་བ་མེད་པར་བསྒྲུབ།། དོན་གྱི་སྙིང་པོ་ངེས་པའི་ལུང་།། རང་ལ་ཡོད་པས་བདེ་བའི་ཞིང་།། རྒྱུ་ཉིད་དག་པས་ཐར
199b6 པའི་གནས།། གཞུང་དང་མཐུན་པས་ངེས་པའི་དོན།། འདི་ལྟར་སེམས་སྤྱོད་གང་ཡིན་པས།། ཅི་ལྟར་སྤྱད་ཀྱང་སྤྱད་དུ་ཟད།། རང་བྱུང་ཉིད་ལས་མ་གཏོགས་པ།། ཞེན་ཅིང་ཆགས་པ་གང་ཡང་མེད།། འདི་ལྟར་དུས
iiif viewer powered by OpenSeadragon
