| e-texts navigator |
| Wylie |
199a1 དང་ལྡན་པ་ནི།། མན་ངག་དོན་ལས་མ་གཏོགས་པ། ཕྱོགས་ཆར་གོལ་བ་གང་ཡང་མེད།། དེ་ལྟར་སྤྱོད་པ་གང་ཡིན་པ།། ཉོན་མོངས་སྤྱོད་ཀྱང་སྤྱོད་དུ་བས།། སྤྱད་ཀྱང་ཡོན་ཏན་ཡིན་པ་ལས།། དོན་དུ
199a2 མ་སོང་གང་ཡང་མེད།། འདི་ལྟར་ཉིན་དང་མཚན་མེད་པར།། མན་ངག་འདི་ལས་མ་ཡེངས་ན།། སེམས་ཀྱི་སྤྱོད་པ་དམ་པ་ཡིན།། ཀུན་ཏུ་བཟང་པོས་ལུང་བསྟན་ཏོ།། དེ་ལ་སེམས་རང་བྱུང་གི་ཡེ་ཤེས་སུ་སྤྱོད་པ
199a3 ནི།། རང་བྱུང་གི་ཡེ་ཤེས་བཙལ་བ་དང་བཅས་པ་ལས་འགྱུར་བ་མ་ཡིན་ཏེ། དེ་ཅིའི་ཕྱིར་ཞེ་ན། ཡེ་ཐོག་མ་ནས་ཀུན་ཏུ་བཟང་པོའི་ངང་ལས་ཐམས་ཅད་བྱས་ཟིན་པས། རྒྱུ་རྐྱེན་གང་གིས་ཀྱང་བསྐྱེད་དུ་མེད་དེ། རང
199a4 བྱུང་ཡེ་ཤེས་མ་སྐྱེས་པར་ཀློང་ནས་ཤར་བས། དང་པོར་མ་བསྐྱེད་བར་དུ་མ་བཙལ་ཐ་མར་མ་བསྒྲུབས་པས། ནམ་མཁའ་ལ་བཙལ་བ་མེད་པར་སྣང་བ་དང་འདྲ་བར། རང་བྱུང་གི་ཡེ་ཤེས་རྟོགས་པའི་དོན་དང་ལྡན
199a5 པ་དེ། རྣལ་འབྱོར་ཚད་མ་རྣམས་ཀྱི་བློ་ལ་རང་སྣང་བར་ཚད་མར་བྱུང་བ་སྟེ། དེ་ལ་འདི་སྐད་ཅེས་བཤད་པར་བྱའོ།། རྒྱུད་དྲུག་སྐྱེ་འགྲོ་མ་ལུས་པ།། སུས་ཀྱང་མ་བྱས་བྱེད་མི་འགྱུར།། ཡུལ་དང་དབང་པོ་ཐམས་ཅད
199a6 དང་།། རྣམ་པར་ཤེས་པའི་ཚོགས་རྣམས་ཀུན།། རང་སེམས་རྟོགས་པའི་ཁྱད་པར་ལས།། དཔེར་ན་ནམ་མཁའི་མཚན་ཉིད་ལས།། འབྱུང་བ་ཆ་སྙོམས་སྣང་འགྱུར་ཡང་།། ནམ་མཁའ་ཉིད་དུ་རང་འབྱུང
iiif viewer powered by OpenSeadragon
