| e-texts navigator |
| Wylie |
198b1 མུག་ང་རྒྱལ་ཕྲག་དོག་ལ་སོགས་པ་སེམས་ལ་འཛིན་པ་ཐམས་ཅད་དང་། ཡེ་ཤེས་ཆེན་པོའི་དོན་དང་འབྱུང་བ་ལས། གཏོང་བ་གཏིང་ཆད་པ་ལས་མ་བྱུང་སྟེ། དེ་ཆོས་ཉིད་མ་ནོར་བའི་དོན་མཐུན་པར་ཤེས་པའི
198b2 སེམས་ཉོན་མོངས་པ་གནས་སུ་དག་པར་སྤྱོད་པ་སྟེ། དེ་ལ་འདི་སྐད་ཅེས་བཤད་པར་བྱའོ།། ཆགས་པ་ཆེན་པོའི་སེམས་ཉིད་ནི།། སངས་རྒྱས་ཐུགས་རྗེ་ཡབ་དང་ཡུམ།། གཉིས་སུ་མེད་པའི་དོན་གྱིས་ཆགས།། འདི།
198b3 ལྟར་ལུང་དང་ལྡན་པ་ནི།། བདེ་བའི་རོ་ལས་མ་གཏོགས་པ།། ལོག་པར་གོལ་བ་གང་ཡང་མེད།། གཏི་མུག་ཆེན་པོའི་སེམས་ཉིད་ནི།། ཆོས་ཀྱི་སྐུ་སྟེ་ཐ་མི་དད།། དོན་གྱི་དམིགས་པ་མེད་པའི་ངང་།། འདི་ལྟར་ལུང
198b4 དང་ལྡན་པ་ནི།། མ་སྐྱེས་པ་ལས་མ་གཏོགས་པ།། མི་ཤེས་རྨོངས་པའི་གོལ་བ་མེད།། ཞེ་སྡང་ཆེན་པོའི་སེམས་ཉིད་ནི།། རྣམ་རྟོག་མཚན་མ་ཀུན་འཇོམས་པས།། ཐབས་ལ་མཁས་པ་རོལ་པའི་སྐུ།། འདི་ལྟར་ལུང
198b5 དང་ལྡན་པ་ནི།། རོལ་པའི་སྐུ་ལས་མ་གཏོགས་པ།། འཁོར་བར་འཁྱམས་པའི་གོལ་བ་མེད།། ང་རྒྱལ་ཆེན་པོའི་སེམས་ཉིད་ནི།། ཀུན་ལ་ཁྱབ་པར་དཔག་པ་སྟེ།། ཐབས་ཀྱི་རྒྱལ་པོ་རང་བྱུང་བས།། འདི་ལྟར་ལུང
198b6 དང་ལྡན་པ་ནི།། ཆེ་བའི་སྐུ་ལས་མ་གཏོགས་པ།། ཉོན་མོངས་ཁེངས་པའི་གོལ་བ་མེད།། ཕྲག་དོག་ཆེན་པོའི་སེམས་ཉིད་ནི།། ཉོན་མོངས་མཚན་མ་མི་ཤོང་བས།། ཆོས་ཉིད་ངང་ལས་རྣམ་རྟོག་མེད།། འདི་ལྟར་ལུང
iiif viewer powered by OpenSeadragon
