| e-texts navigator |
| Wylie |
198a1 པ་དོན་དང་ལྡན་ཞེས་བྱ།། དེ་ལ་བལྟ་བ་གང་དང་ལྡན་ན་དོན་དང་ལྡན་པ་ནི། ལྟ་བ་རྣམ་པ་ལྔ་སྟེ། བརྗོད་པ་མེད་པའི་ལྟ་བ་མ་ཡེངས་པར་ལྟ་བ་དང་། ཟབས་མཁས་པའི་ལྟ་བ་གང་ལྟར་དྲངས་ཀྱང
198a2 དོན་དང་མི་འགལ་བ་དང་། དོན་དང་མཐུན་པའི་ལྟ་བ་གཞུང་དུ་འགྲོ་བ་དང་། ཆོས་ཉིད་སྟོང་པའི་ལྟ་བ་སྟོང་པའི་ཞིང་དུ་དག་པ་དང་། མ་བྱུང་མ་སྐྱེས་པའི་ལྟ་བ་མ་བཅོས་པར་གནས་པ་སྟེ། དེས་ན་འདི་སྐད་ཅེས
198a3 བཤད་པར་བྱ་སྟེ། འགྱུར་བ་མེད་པའི་མཁའ་དབྱིངས་ནས།། ངག་གི་བརྗོད་པ་མ་སྐྱེས་པས།། དོན་གྱི་ལྟ་བ་ཐག་བཅད་པའོ།། སྤྱོད་པ་ཐམས་ཅད་ཀྱི་རྒྱལ་པོ་བརྩོན་པ་དོན་ལྡན་གྱི་རྒྱུད་ལས། ངག་གི་སྤྱོད་པ་གང
198a4 ལྟར་སྤྱོད་ཅིང་ལྟ་བའི་ལེའུ་སྟེ་གཉིས་པའོ།། །། དེ་ནས་བཅོམ་ལྡན་འདས་ཀྱིས་སེམས་ཀྱི་སྤྱོད་པ་གང་ལྟར་སྤྱོད་ཅིང་ལྟ་བ་གང་དང་ལྡན་པ་འདི་ཆེད་དུ་བརྗོད་དོ།། སེམས་ཀྱི་སྤྱོད་པ་གང་ཡིན་པ།། རྫོགས་ཆེན
198a5 རྣལ་འབྱོར་རྣམས་ཀྱིས་ཉོན།། དེ་ལ་སེམས་ཀྱི་སྤྱོད་པ་ལ་དོན་རྣམ་པ་ལྔ་སྟེ། སེམས་ཀྱིས་ཉོན་མོངས་པ་གནས་སུ་དག་པར་སྤྱོད་པ་དང་། སེམས་རང་བྱུང་གི་ཡེ་ཤེས་སུ་སྤྱོད་པ་དང་། སེམས་འགྱུར་བ་མེད་པའི་སྙིང
198a6 པོར་སྤྱོད་པ་དང་། སེམས་བཅོས་པ་མེད་པའི་སྙིང་པོ་ཉིད་དུ་སྤྱོད་པ་དང་། སེམས་བཙལ་བ་མེད་པའི་ཡེ་ཤེས་སུ་སྤྱོད་པའོ།། དེ་ལ་སེམས་ཉོན་མོངས་པ་གནས་སུ་དག་པར་སྤྱོད་པ་ནི། འདོད་ཆགས་ཞེ་སྡང་གཏི
iiif viewer powered by OpenSeadragon
