| e-texts navigator |
| Wylie |
197b1 པའོ།། དུས་གསུམ་སངས་རྒྱས་ཐམས་ཅད་ལ།། གསུང་གི་སྤྱོད་པ་འདི་ལས་མེད།། གསུང་གི་སྤྱོད་པ་ངག་ཡིན་པས།། ངག་གི་སྤྱོད་པ་འདི་ཤེས་ན།། སངས་རྒྱས་བྱང་ཆུབ་ཟག་མི་རིང་།། དེ་ལ་ངག་སྟོང་པ་ཉིད
197b2 དུ་སྤྱོད་པ་ནི། ལེགས་ཉེས་ཀྱི་དོན་གང་དག་གིས་སྨྲས་ཤིང་བརྗོད་ཀྱང་། དེ་ལ་དངོས་པོ་མེད་པས། དེ་ཉིད་སྔ་མ་ནི་སྟོང་། ད་ལྟ་ནི་མི་གནས། ཕྱིས་མི་རྟོག་པས། དུས་གསུམ་དུ་བརྗོད་པ་མ་སྐྱེས་སྟོང་པ་ཉིད་དུ
197b3 གནས་པ་ནི། ངག་སྟོང་པ་ཉིད་དུ་སྦྱོང་བ་སྟེ། དེ་ལ་འདི་སྐད་ཅེས་བཤད་པའོ།། རྫས་ལ་དངོས་པོར་བསྟན་པ་ཡང་། ཚིག་ལ་དངོས་པོར་མ་གྲུབ་པས།། རྫས་ཀྱང་དངོས་མེད་སྟོང་པའི་ཞིང་།། བཟང་དང་ངན་པར
197b4 བསྟན་པ་ཡང་།། ཚིག་ལ་དངོས་པོར་མ་གྲུབ་པས།། བཟང་ངན་དངོས་མེད་སྟོང་པའི་ཞིང་།། བདེ་དང་སྡུག་བསྔལ་བརྗོད་པ་ཡང་།། ཚིག་ལ་དངོས་པོར་མ་གྲུབ་པས།། བདེ་སྡུག་དངོས་མེད་སྟོང་པའི་ཞིང་།། དེ
197b5 བཞིན་གླེང་བརྗོད་ཐམས་ཅད་ཀུན།། ཚིག་ལ་དངོས་པོར་མ་གྲུབ་པས།། གླེང་བརྗོད་ཐམས་ཅད་སྟོང་པའི་ཞིང་།། མ་སྐྱེས་པ་ཡི་ཆོས་ཉིད་ལ།། ངག་གི་གླེང་བརྗོད་ཐམས་ཅད་ཀུན།། བཅོས་མེད་སྟོང་པར་ཤེས་པར
197b6 བྱ། སུས་ཀྱང་སྨྲ་མེད་སྨྲ་མི་འགྱུར།། འདྲེན་པའི་དབང་པོས་ཀྱང་མི་གསུང་།། སུས་ཀྱང་གསུང་བ་མེད་པའོ།། དེ་འདྲའི་དོན་ལ་གང་གནས་པ།། དེ་ནི་ངག་གི་སྐྲོད་པ་སྟེ།། དེ་ལ་ཉིན་དང་མཚན་མེད་པས།། བརྩོན
iiif viewer powered by OpenSeadragon
