| e-texts navigator |
| Wylie |
196a1 པའི་རྒྱུ་མེད་པས།། དེས་ནི་བརྩོན་པའི་དོན་དང་ལྡན།། རྡོ་རྗེ་སེམས་དཔས་རྟོགས་པར་གྱིས།། རྡོ་རྗེ་རྒྱལ་བའི་དུས་སྤྱོད་པ།། བསྔགས་པས་ངེས་པ་དེ་ལྟར་སྤྱད།། ངེས་པ་ཉིད་དུ་བསྟན་པ་སྟེ།། སངས
196a2 རྒྱས་རྣམས་ཀྱིས་ཟབ་པར་གསུངས།། སྤྱོད་པ་ཐམས་ཅད་ཀྱི་རྒྱལ་པོ་བརྩོན་པ་དོན་ལྡན་གྱི་རྒྱུད་ལས། ལུས་ཀྱི་སྤྱོད་པ་གང་ལྟར་སྤྱད་ཅིང་ལྟ་བ་གླེང་གཞིའི་ལེའུ་སྟེ་དང་པོའོ།། །། དེ་ནས་བཅོམ་ལྡན་འདས་ཀྱིས
196a3 ངག་གི་སྤྱོད་པ་གང་ལྟར་སྤྱད་ཅིང་ལྟ་བ་གང་དང་ལྡན་པ་འདི་ཆེད་དུ་བརྗོད་དོ།། ངག་གི་སྤྱོད་པ་གང་ཡིན་པའང་ཤིན་ཏུ་རྣལ་འབྱོར་རྣམས་ཀྱིས་ཉོན་ཅིག་དེ་ལ་ངག་གི་སྤྱོད་པ་ལ་རྣམ་པ་གསུམ་སྟེ། ངག་ཆོས་ཉིད
196a4 དུ་སྤྱོད་པ་དང་། ངག་བཟླས་པའི་ཐིག་ལེར་སྤྱོད་པ་དང་། ངག་སྟོང་པ་ཉིད་དུ་སྤྱོད་པའོ།། དེ་ལ་ངག་ཆོས་ཉིད་དུ་སྤྱོད་པ་ནི། ཇི་ལྟར་སྣང་བ་ཐམས་ཅད་ངག་གིས་མིང་བཏགས་པས་ཚིག་ཐམས་ཅད་ཆོས་ཉིད།།
196a5 ཆོས་ཐམས་ཅད་ཡི་གེ། ཡི་གེ་ཐམས་ཅད་མ་སྐྱེས་པའི་རང་བཞིན་དུ་ཤེས་པས་ཆོས་ཉིད་དོ།། དེ་ལ་འདི་སྐད་ཅེས་བཤད་པ་སྟེ། གནམ་རི་དང་ནི་ས་བྲག་དང་། རྩི་ཤིང་དང་ནི་ནགས་ཚལ་རྣམས། ཡི་གེ་ཉིད་དུ
196a6 བསྟན་པ་སྟེ།། ཡི་གེ་མ་སྐྱེས་རང་བཞིན་ན།། དེ་ལ་ངག་སྨྲས་ཆོས་ཉིད་དེ།། དེ་བཞིན་ངམ་གྲོགས་གཡང་ས་དང་།། གྱེན་དང་ཟུར་དང་སྣོད་ཀྱི་རྫས།། འབྱུང་བ་ལྔས་བསྡུས་ཐམས་ཅད་ཀུན།། ཡི་གེ་མ་སྐྱེས་རང་བཞིན
iiif viewer powered by OpenSeadragon
