| e-texts navigator |
| Wylie |
195a1 གང་ལ་ཁྱབ་པ་དོན་མཛད་པ། ལུས་ལ་གྲངས་སུ་སྣང་བ་ནི་ལྷའི་གྲངས། ལུས་ལ་རྟགས་སུ་སྣང་བ་ནི་ལྷའི་རྟགས། ལུས་ལ་གཟུགས་སུ་ཡོད་པ་ནི་ལྷའི་གཟུགས། ལུས་གཞིག་ན་རང་བཞིན་མེད་པ
195a2 ལྷའི་དཀྱིལ་འཁོར་གྱི་རང་བཞིན་མེད་པ་སྟེ། ལུས་སྐྱེས་ན་ལྷའི་དཀྱིལ་འཁོར་དུ་སྐུ་རྫོགས་པར་སྣང་བར་སྤྱོད་དོ།། ལུས་མི་རྟག་པར་འཆི་ན་ལྷའི་དཀྱིལ་འཁོར་མ་བསྐྱེད་པར་བསྡུའོ།། ལུས་ལོངས་སྤྱོད་ན་ལྷའི
195a3 དཀྱིལ་འཁོར་ལ་ལོངས་སྤྱོད་དོ།། ལུས་བཞེངས་ན་ལྷའི་དཀྱིལ་འཁོར་འགྲོ་བའི་དོན་ལ་བཞེངས་སོ།། ལུས་བསྐྱོད་ན་འགྲོ་བ་སེམས་ཅན་གྱི་དོན་ལ་བསྐྱོད་དོ།། ལུས་མནལ་ན་ལྷའི་དཀྱིལ་འཁོར་མཉམ་པ་ཉིད་ལ
195a4 མནལ་ལོ།། དེས་ན་ལུས་ཀྱི་སྤྱོད་པ་ལྷའི་དཀྱིལ་འཁོར་དུ་སྤྱོད་པའོ།། ལུས་ཀྱི་སྤྱོད་པ་རྣམ་པར་དག་པའི་དབྱིངས་སུ་སྡུད་པ་ནི། ཆོས་ཉིད་མ་སྐྱེས་པས་ལུས་ཀྱི་སྤྱོད་པ་རྣམ་པར་དག་པའི་ཀློང་དུ་སྤྱོད་པའོ།། དབྱིངས
195a5 སུ་མུ་མཐའ་མེད་པས་ལུས་ཀྱི་སྤྱོད་པ་རྣམ་པར་དག་པའི་ཀློང་དུ་སྤྱོད་པའོ།། སྣང་སྲིད་ཐིག་ལེ་ཆེན་པོར་སངས་རྒྱས་པས་ལུས་རྣམ་པར་དག་པའི་ཀློང་དུ་སྤྱོད་པའོ།། དོན་དམ་པ་ལ་ཕྱི་ནང་མེད་པས་ལུས་མ་གཡོས
195a6 པར་ཤེས་པ་ལ་ལུས་ཀྱི་སྤྱོད་པ་རྣམ་པར་དག་པའི་ཀློང་དུ་སྤྱོད་པའོ།། ལུས་ཀྱི་སྤྱོད་པ་སྣང་བ་གསལ་བར་སྤྱོད་པ་ནི་ཐབས་ཀྱི་སྙིང་པོར་ཤེས་པས་ལུས་ཀྱི་སྤྱོད་པ་བདེ་བ་ཆེན་པོར་སྣང་ཞིང་ཐམས་ཅད་དུ་བྱ་བ་མེད
iiif viewer powered by OpenSeadragon
