| e-texts navigator |
| Wylie |
194b1 དེ་བསྐྱོད་པའི་ལུས་དང་དབང་པོ་དང་། རྣམ་པར་ཤེས་པ་དང་། སྣང་བ་ཐམས་ཅད་མ་བཅིངས་པའི་དོན་དང་ལྡན་པས་ཡེ་ཤེས། དེ་ཉིད་རིག་པ་སྤྲོས་པ་དང་བྲལ་བས་ཀྱང་ཡེ་ཤེས། རྟག་པར་མི་འཛིན་ཞིང་མཚན
194b2 མར་མི་འཛིན་པས་ཀྱང་ཡེ་ཤེས་ཡིན་པས་ན། དོན་འདི་ལྟར་ལུས་སུ་རིགས་ཤིང་སེམས་ལ་བཅངས་པས་ན། ལུས་ཀྱིས་ཅི་སྤྱོད་པ་དབྱིངས་དང་ཡེ་ཤེས་དེ། ཅི་ལྟར་སྣང་བ་ཀུན་ལ་དབྱིངས་དང་ཡེ་ཤེས་སུ་ཤེས་པར
194b3 བྱས་ནས། སངས་རྒྱས་ཀྱི་དགོངས་པ་ལ་ཡང་དབྱིངས་དང་ཡེ་ཤེས་ལས་མེད། སེམས་ཅན་གྱི་སྤྱོད་པ་ལུས་ཀྱི་སྤྱོད་པ་ཐམས་ཅད་དབྱིངས་དང་ཡེ་ཤེས་ཀྱི་ཀློང་དུ་སྤྱོད་ཅིང་། ཉིན་དང་མཚན་མེད། དུས་དང་རྒྱུན་མི
194b4 འཆད་པར་གནས་ན། ལུས་ཀྱི་སྤྱོད་པ་ཉིད་སངས་རྒྱས་ཀྱི་ཆེ་བའི་བདག་ཉིད་འབྱུང་བས། ལུས་ཀྱི་སྤྱོད་པ་དབྱིངས་དང་ཡེ་ཤེས་སུ་སྤྱོད་པ་སྟེ། དེས་ན་འདི་སྐད་ཅེས་བསྟན་པ་ཡིན་ཏེ། ལུས་ཀྱི་སྤྱོད་པར་རབ་སྤྱོད
194b5 པས།། དབྱིངས་དང་ཡེ་ཤེས་གཉིས་སུ་མེད།། འདུ་འབྲལ་མེད་པའི་ཀློང་དུ་རོལ།། ཡབ་ཡུམ་གཉིས་སུ་མེད་པའི་ངང་།། བྱང་ཆུབ་སེམས་ཀྱི་ངང་དུ་ཞུ།། དབྱེར་མེད་གཅིག་ཏུ་བསྟན་པའོ།། དེའི་ཕྱིར་ལུས་ལྷའི
194b6 དཀྱིལ་འཁོར་དུ་སྤྱོད་པ་ནི། ལུས་ནི་ལྷའི་དཀྱིལ་འཁོར་དུ་སྤྱོད་པའི་རང་བཞིན་ཡེ་ནས་ཡིན་པ་སྟེ། སྤྱོད་ཀྱང་ལྷའི་དཀྱིལ་འཁོར་དུ་སྤྱོད་དེ། ལུས་ཀྱི་བསྐུལ་བསྐྱོད་ལྷའི་དཀྱིལ་འཁོར་གྱི་ཕྲིན་ལས་སོ།། ལུས་ཀྱིས
iiif viewer powered by OpenSeadragon
